Leigubílastöðin Hreyfill var rekin með um 26 milljóna króna tapi á síðasta ári, en árið áður nam tapið 55 milljónum króna.
Leigubílastöðin hefur tapað 210 milljónum frá árinu 2018 þegar félagið skilaði síðast hagnaði.
Rekstrartekjur samstæðunnar í fyrra námu 652 milljónum króna. Rekstrartekjur móðurfélagsins námu 469 milljónum.
Samkvæmt efnahagsreikningi námu eignir samstæðunnar 945 milljónum króna og eignir móðurfélagsins stóðu í um 916 milljónum.
Eigið fé félagsins í lok ársins nam 478,6 milljónum samkvæmt efnahagsreikningi og eigið fé samstæðunnar í hlutfalli af heildareignum var 47% og móðurfélagsins 48%.
Starfandi félagsmenn í Hreyfli voru 281 í árslok 2023. Samkvæmt ársreikningi gengu 31 nýir félagar í félagið í fyrra.
Lykiltölur / Hreyfill- móðurfélag
| 2022 |
