Fjárfestar eru að dæla peningum inn í kauphallarsjóði í virkri stýringu í ár en samkvæmt Financial Times stefnir í að innflæði fari yfir eina billjón dala (e. trillion) í ár.
Innflæði í blandaða kauphallarsjóði í virkri stýringu, sem gæti verið samsetning af hlutabréfum, fasteignum, gulli og svo framvegis, nam 7 milljörðum dala í júnímánuði og stendur innflæðið í 41 milljarði dala á fyrri helmingi árs.
Innflæði í sjóðina fyrir árið í heild nam 33 milljörðum dala og var það met, samkvæmt gögnum frá State Street en FT greinir frá.
Fjárfestar eru að dæla peningum inn í kauphallarsjóði í virkri stýringu í ár en samkvæmt Financial Times stefnir í að innflæði fari yfir eina billjón dala (e. trillion) í ár.
Innflæði í blandaða kauphallarsjóði í virkri stýringu, sem gæti verið samsetning af hlutabréfum, fasteignum, gulli og svo framvegis, nam 7 milljörðum dala í júnímánuði og stendur innflæðið í 41 milljarði dala á fyrri helmingi árs.
Innflæði í sjóðina fyrir árið í heild nam 33 milljörðum dala og var það met, samkvæmt gögnum frá State Street en FT greinir frá.
Hingað til hefur bandarískur almenningur sótt meira í vísitölusjóði en eignastýringafyrirtækin SSGA, Vanguard og BlackRock hafa unnið hart að því að auka vinsældir slíkra sjóða.
Kauphallarsjóðir í virkri stýringu sem fjárfesta í handvöldum hlutabréfum hafa hins vegar verið að sækja í sig veðrið og auka markaðshlutdeild sína á 9 billjóna kauphallarsjóða markaðinum í Bandaríkjunum.
„Ég held að skriðþunginn muni aukast,“ segir Matt Bartolini yfirmaður greiningardeildar SSGA í samtali við FT.
Samkvæmt FT má rekja aukninguna til þess að almenningur, sér í lagi yngri fjárfestar, eru hrifnari af hlutabréfasjóðum í virkri stýringu.
Þá ákvað verðbréfaeftirlit Bandaríkjanna að liðka fyrir reglum um stofnun slíkra sjóða árið 2019 og hefur þeim fjölgað í kjölfarið.
