Isavia hefur gefið út skuldabréf í lokuðu útboði að fjárhæð 175 milljóna evra til bandarískra fjárfesta sem jafngildir rúmlega 25 milljörðum íslenskra króna.
Þetta kemur fram í tilkynningu en um er að ræða fyrstu skuldabréfaútgáfu Isavia.
„Fjármögnunin, sem fengin er með útgáfunni, verður notuð til endurfjármögnunar á eldri lánum félagsins, en með skuldabréfaútboðinu er Isavia að tryggja sér fjármagn á hagstæðum kjörum til lengri tíma. Fjármagnið verður einnig notað til að styðja við uppbyggingu á Keflavíkurflugvelli,“ segir í tilkynningunni.
Isavia hefur gefið út skuldabréf í lokuðu útboði að fjárhæð 175 milljóna evra til bandarískra fjárfesta sem jafngildir rúmlega 25 milljörðum íslenskra króna.
Þetta kemur fram í tilkynningu en um er að ræða fyrstu skuldabréfaútgáfu Isavia.
„Fjármögnunin, sem fengin er með útgáfunni, verður notuð til endurfjármögnunar á eldri lánum félagsins, en með skuldabréfaútboðinu er Isavia að tryggja sér fjármagn á hagstæðum kjörum til lengri tíma. Fjármagnið verður einnig notað til að styðja við uppbyggingu á Keflavíkurflugvelli,“ segir í tilkynningunni.
Fjármögnunin var framkvæmd í einum áfanga í ágúst 2023 og eru skuldabréfin gefin út til 7-12 ára.
„Skuldabréfaútgáfan styrkir félagið verulega“
Umsjónaraðili skuldabréfaútgáfunnar er DNB Markets Inc.
Ingibjörg Arnarsdóttir, framkvæmdastjóri mannauðs- og fjármála hjá Isavia, segir að skuldabréfaútgáfan skili Isavia hagstæðri endurfjármögnun.
„Við erum í dag að fjármagna okkur á mun betri kjörum en bjóðast á innlendum markaði - þannig að skuldabréfaútgáfan styrkir félagið verulega í þeirri mikilvægu þróun sem stendur yfir á Keflavíkurflugvelli“ segir Ingibjörg.
„Fjárfestar sýna Isavia mikið traust í þessari fyrstu skuldabréfaútgáfu félagsins. Móttökurnar voru afskaplega góðar hjá fjárfestum,“ segir Ingibjörg.