Ursula von der Leyen, forseti framkvæmdastjórnar Evrópusambandsins, og Katrín Jakobsdóttir forsætisráðherra tilkynntu á sameiginlegum blaðamannafundi í dag að Ísland muni hljóta undanþágur frá fyrirhugaðri löggjöf ESB um losunarheimildir á flugferðum.
Um er að ræða bráðabirgðasamkomulag um að Íslandi og íslensk flugfélög haldi áfram að hafa fríar losunarheimildir til og með árinu 2026.
Katrín og von der Leyen tilkynntu þetta á blaðamannafundi í Ráðherrabústaðnum á fjórða tímanum í dag en mbl.is greinir frá.
Von der Leyen sagðist sýna Íslendingum skilning í málinu og að sameiginleg lausn hefði fundist í málinu sem þó væri enn í vinnslu og verður útfært betur síðar. Katrín var á sama máli og sagði að málið yrði rætt nánar inna ríkisstjórnarinnar en sagði ljóst að lendingin væri sú að tekið yrði tillit til íslenskra aðstæðna.
Í mars á þessu ári sagði Þórdís Kolbrún Reykfjörð Gylfadóttir, utanríkisráðherra að um væri að ræða stærsta hagsmunamál Íslands frá upptöku EES-samningsins. Utanríkisþjónustan hefði farið í fordæmalaust átak til að reyna að hafa áhrif á löggjöf ESB.
