Ákvörðun Hafize Gaye Erkan seðlabankastjóra Tyrklands að hækka vexti um 7,5% hefur farið vel í markaðinn heima fyrir. Liran hefur styrkst um 3% gagnvart Bandaríkjadal og úrvalsvísitalan Borsa Instabul 100 hefur hækkað um 1%.
Stýrivextir í Tyrklandi eru nú 25% en greiningaraðilar bjuggust við því að Erkan myndi hækka vexti um 2,5%. Í rökstuðningi bankans segir að verðbólgan sé enn svo há í landinu og því væri þörf að hækka vexti enn meira.
Ákvörðun Hafize Gaye Erkan seðlabankastjóra Tyrklands að hækka vexti um 7,5% hefur farið vel í markaðinn heima fyrir. Liran hefur styrkst um 3% gagnvart Bandaríkjadal og úrvalsvísitalan Borsa Instabul 100 hefur hækkað um 1%.
Stýrivextir í Tyrklandi eru nú 25% en greiningaraðilar bjuggust við því að Erkan myndi hækka vexti um 2,5%. Í rökstuðningi bankans segir að verðbólgan sé enn svo há í landinu og því væri þörf að hækka vexti enn meira.
Erkan, sem er fyrrum framkvæmdastjóri hjá First Republic bankanum í Bandaríkjunum, var skipuð seðlabankastjóra Tyrklands fyrr á árinu.
Recep Tayyip Erdogan forseti landsins hefur hingað til viljað halda vöxtum lágum þrátt fyrir 40% verðbólgu. Skipun Erkan var því algjör U-beygja í efnahagsstefnu landsins sem hefur verið heldur óhefðbundin undir stjórn Erdogan.
Svo virðist sem innlendir og erlendir fjárfestar séu að bregðast vel við hefðbundnari efnahagsstefnu Erkan þó að Tyrkir eigi langt í land í að ná tökum á verðbólgunni.