Jón Skaftason stjórnarformaður Sýnar hefur ákveðið að gefa ekki kost á sér til áframhaldandi stjórnarsetu en Jón hefur setið í stjórn félagsins síðan í ágúst 2022.
Þetta kemur fram í skýrslu tilnefningarnefndar fyrir aðalfund félagsins í byrjun apríl.
Jón Skaftason stjórnarformaður Sýnar hefur ákveðið að gefa ekki kost á sér til áframhaldandi stjórnarsetu en Jón hefur setið í stjórn félagsins síðan í ágúst 2022.
Þetta kemur fram í skýrslu tilnefningarnefndar fyrir aðalfund félagsins í byrjun apríl.
Tilnefningarnefndin leggur til að eftirtaldir frambjóðendur verði kosnir í stjórn félagsins:
- Hákon Stefánsson
- Páll Gíslason
- Petrea Ingileif Guðmundsdóttir
- Ragnar Páll Dyer
- Rannveig Eir Einarsdóttir
Tilnefningarnefndin leggur síðan til að Daði Kristjánsson og Ingibjörg Ásdís Ragnarsdóttir verði kosin í varastjórn.
Fyrrum stjórnarformaður snýr aftur
Petrea I. Guðmundsdóttir, var áður stjórnarformaður Sýnar, en hún dró framboð sitt til stjórnar til baka skömmu fyrir síðasta hlutahafafund.
Sagði hún Bjarna Bjarnason, forstjóra Orkuveitu Reykjavíkur (OR), hafa sett maka sínum, Benedikti K. Magnússyni, fjármálastjóra OR, afarkosti vegna stjórnarsetu hennar hjá Sýn en Orkuveita Reykjavíkur er móðurfélag Ljósleiðarans.
Síðasti hluthafafundur Sýnar fór fram í október 2022 en miklar breytingar hafa verið innan félagsins síðan þá. forstjóri Sýnar, Yngvi Halldórsson, sagði upp störfum um miðjan október 2023 og tók Herdís Dröfn Fjeldsted við sem forstjóri félagsins í byrjun árs.
Páll Ásgrímsson, lögmaður félagsins, gengdi störfum forstjóra á tímabilinu á milli.
Í skýrslu tilnefningarnefdar segir að skipulagsbreytingar félagsins hafa kallað á umtalsverðar mannabreytingar á efsta lagi stjórnendateymis.
Á hluthafafundinum 20. október 2022, urðu þær breytingar á stjórn Sýnar, að ný komu inn Hákon Stefánsson og Rannveig Eir Einarsdóttir.
Í varastjórn kom ný inn Salóme Guðmundsdóttir. Fyrir rúmlega ári síðan, eða þann 5. janúar 2023, var stjórnarmaðurinn Sesselía Birgisdóttir ráðin sem framkvæmdastjóri sölu, þjónustu og markaðsmála félagsins. Við stjórnarsætinu tók þá Salóme Guðmundsdóttir.
