Juku hlutafé um 103 milljónir

Tæknifyrirtækið Gefn, sem þróar tækni sem umbreytir úrgangi og útblæstri í græna efnavöru, hagnaðist um 5 milljónir króna í fyrra, samanborið við 30 milljónir árið áður.

Tekjur drógust saman milli ára og námu 83 milljónum en þar af voru styrkir 48 milljónir. Hlutafé félagsins var aukið á árinu um 102,5 milljónir króna en árið áður hafði hlutafé verið aukið um 47 milljónir. Ásgeir Ívarsson er framkvæmdastjóri og stærsti hluthafi Gefnar.

Fréttin birtist fyrst í Viðskiptablaðinu.