Reitir og Kjölur fasteignir hafa undirritað samkomulag um kaup Reita á fasteignum að Njarðarvöllum 4 í Reykjanesbæ og Lónsbraut 1 í Hafnarfirði.
Samkvæmt Kauphallartilkynningu er húsið að Njarðarvöllum 2.338 fm. að stærð og hýsir eignin Nesvelli dagvöl aldraðra í Reykjanesbæ. Leigusamningur er við Reykjanesbæ til 2038.
Reitir og Kjölur fasteignir hafa undirritað samkomulag um kaup Reita á fasteignum að Njarðarvöllum 4 í Reykjanesbæ og Lónsbraut 1 í Hafnarfirði.
Samkvæmt Kauphallartilkynningu er húsið að Njarðarvöllum 2.338 fm. að stærð og hýsir eignin Nesvelli dagvöl aldraðra í Reykjanesbæ. Leigusamningur er við Reykjanesbæ til 2038.
„Kaup húsnæðis dagdvalarinnar á Nesvöllum markar fyrsta skrefið í vaxtarvegferð Reita innan nýrra samfélagslega mikilvægra eignaflokka. Sem stærsta fasteignafélag landsins á sviði atvinnuhúsnæðis búa Reitir yfir gífurlegri reynslu og þekkingu á rekstri og viðhaldi húsnæðis. Við lítum á það sem okkar hlutverk og ábyrgð að beina okkar kröftum til uppbyggingar og eflingar þeirra samfélagslegu innviða sem samfélagið kallar á hverju sinni. Við stefnum á frekari fjárfestingar í eignum sem svara breyttri aldurssamsetningu þjóðarinnar og horfum sér í lagi til hjúkrunarheimila og lífsgæðakjarna í þeim efnum,“ segir Guðni Aðalsteinsson, forstjóri Reita.
Samkvæmt Kauphallartilkynningunni er Lónsbraut 1 Hafnarfirði 1.725 fm. að stærð.
Fasteignin hýsir fiskvinnslu Hólmaskers ehf. sem er dótturfélag Vinnslustöðvarinnar sem er með leigusamning til 2033.
„Heildarvirði þessara tveggja fasteigna er 2.200 m.kr. og verða kaupin fjármögnuð með handbæru fé og lánsfé. Leigutekjur á ársgrunni nema rúmlega 160 m.kr. Kaupin leiða til þess að áætlaður rekstrarhagnaður (NOI) Reita hækkar um 145 m.kr. á ársgrundvelli,” segir í tilkynningunni.
Samkvæmt samningum er áætlaður afhendingartími eignanna eigi síðar en 1. ágúst nk.
Fyrirvarar eru gerðir um niðurstöður hefðbundinna áreiðanleikakannana, afléttingu forkaupsréttar að Lónsbraut 1 og samþykki stjórnar Reita fyrir kaupunum.
Reitir kaupa ÞEJ fasteignir ehf.
Samhliða þessu gekk Reitir frá kaupum á ÞEJ fasteignum ehf., félagi sem á tæplega 3.100 fm. verslunarhúsnæðis við Fákafen 11, Faxafen 12, Skólavörðustíg 10, Laugaveg 32 og Laugaveg 86-94.
Samkvæmt tilkynningu hýsir húsnæðið ýmsa leigutaka, þ. á m. veitingastaðinn Saffran.
„Heildarvirði er 1.150 m.kr. og eru kaupin að fullu fjármögnuð með handbæru fé og lánsfé. Leigutekjur á ársgrunni nema rúmlega 110 m.kr. Kaupin leiða til þess að áætlaður rekstrarhagnaður (NOI) Reita hækkar um 85 m.kr. á ársgrundvelli. Afhending eignanna fór fram síðastliðin mánaðamót.
