Sala á leikföngum hefur minnkað um átta prósent á árinu samanborið við árið 2022 samkvæmt markaðsrannsóknarfyrirtækinu Circana. Athygli vekur þó að sala á tuskudýrum hefur aukist um fjögur prósent á sama tímabili og nam heildarsala 1,7 milljörðum dala í október, samanborið við 846 milljónir í október í fyrra.

Í umfjöllun Wall Street Journal kemur fram að leikfangafyrirtæki leggi nú allt í sölurnar fyrir jólavertíðina þar sem markmiðið er meðal annars að vera með mýkri tuskudýr en keppinautarnir. „Mjúkt selur,“ hefur miðillinn eftir Ty Warner, framkvæmdastjóra og eins stofnenda leikfangaframleiðandans Ty.