Kínverski seðlabankinn hefur ákveðið að lækka vexti sína í annað sinn á þremur mánuðum í von um að blása lífi í efnahaginn sem hefur ekki tekið almennilega við sér eftir aðgerðir stjórnvalda í heimsfaraldrinum.
Meginvextir bankans lækkuðu úr 3,55% í 3,45%.
Húsnæðiskrísa ríkir á fasteignamarkaði á meðan útflutningur hefur dregist saman og einkaneysla minnkað til muna.
Kínverska fasteignafélagið Evergrande sótti um gjaldþrotavernd fyrir helgi í Bandaríkjunum en fyrirtækið er mjög skuldugt eftir fasteignakreppuna í Kína.
Kínverski seðlabankinn hefur ákveðið að lækka vexti sína í annað sinn á þremur mánuðum í von um að blása lífi í efnahaginn sem hefur ekki tekið almennilega við sér eftir aðgerðir stjórnvalda í heimsfaraldrinum.
Meginvextir bankans lækkuðu úr 3,55% í 3,45%.
Húsnæðiskrísa ríkir á fasteignamarkaði á meðan útflutningur hefur dregist saman og einkaneysla minnkað til muna.
Kínverska fasteignafélagið Evergrande sótti um gjaldþrotavernd fyrir helgi í Bandaríkjunum en fyrirtækið er mjög skuldugt eftir fasteignakreppuna í Kína.
Þörf á frekari aðgerðum
Samkvæmt vefsíðu Evergrande er samstæðan með meira en 1.300 verkefni í gangi í 280 kínverskum borgum en óvissa ríkir um framhald þeirra.
Jun Bei Liu, stjórnandi hjá Tribeca Investment Partners, segir í samtali við BBC að stýrivaxtahækkunin sé ólíkleg til að hafa mikil áhrif en hún sýni þó að ríkisstjórnin sé að reyna hjálpa efnahagnum að taka við sér.
„Það þarf stærri aðgerðapakka til að ýta undir traust á efnahagnum og ná að keyra upp neyslu og hagvöxt,“ segir Bei Leiu.
Á meðan flest ríki eru að hækka stýrivexti vegna verðbólgu er verðhjöðnun í Kína og lækkaði vísitala neysluverðs um 0,3% á milli ára í síðasta mánuði.
Yfirvöld í Kína ákváðu í síðasta mánuði að hætta að birta atvinnuleysistölur en í júní var atvinnuleysi fólks á aldrinum 16 til 24 ára meira en 20%.
