Kínverskir bílaframleiðendur hafa hvatt stjórnvöld í Peking til að svara fyrir sig með 25% tollum á innflutta bíla frá ESB ef sambandið skyldi beita sínum eigin tollum. Evrópusambandið sagði í síðustu viku að það væri að íhuga 38% toll á kínverska rafbíla frá og með 4. júlí.
Krafan var sett fram á lokuðum fundi kínverska viðskiptaráðuneytisins en viðstaddir voru nokkrir fulltrúar evrópskra bílafyrirtækja.
Kínverskir bílaframleiðendur hafa hvatt stjórnvöld í Peking til að svara fyrir sig með 25% tollum á innflutta bíla frá ESB ef sambandið skyldi beita sínum eigin tollum. Evrópusambandið sagði í síðustu viku að það væri að íhuga 38% toll á kínverska rafbíla frá og með 4. júlí.
Krafan var sett fram á lokuðum fundi kínverska viðskiptaráðuneytisins en viðstaddir voru nokkrir fulltrúar evrópskra bílafyrirtækja.
Á fundinum voru fulltrúar fjögurra kínverskra og sex evrópskra bílafyrirtækja. Þýski bílaframleiðandinn Volkswagen hefur staðfest við BBC að talsmenn á þeirra vegum hafi verið á fundinum en vildu ekki tjá sig um fundinn.
Aðgerðirnar myndu beinast fyrst og fremst gegn bensínbílum frá ESB og samkvæmt kínverska ríkisrekna blaðinu Global Times yrðu 25% tollar settir á allar bensínvélar sem eru stærri en 2,5 lítrar.
Fyrirhugaðar aðgerðir ESB koma í kjölfar þess að Bandaríkin hækkuðu nýlega gjaldskrár sínar á kínverska rafbíla úr 25% í 100% í síðasta mánuði. Kínversk stjórnvöld hafa fordæmt þær aðgerðir og hafa síðan þá gripið til eigin hefndaraðgerða.
