Viðsnúningur hefur orðið á gengi krónunnar eftir að Seðlabanki Íslands ákvað að grípa inn í á gjaldeyrismarkaði síðastliðinn mánudag, 13. nóvember.
Frá þeim tíma hefur krónan styrkt sig um 1,04% gagnvart evrunni og 3,3% gagnvart Bandaríkjadal. Hefur Bandaríkjadalur farið úr 144 krónum í 139 krónur og evran úr 154 krónum í 152 krónur.
Viðsnúningur hefur orðið á gengi krónunnar eftir að Seðlabanki Íslands ákvað að grípa inn í á gjaldeyrismarkaði síðastliðinn mánudag, 13. nóvember.
Frá þeim tíma hefur krónan styrkt sig um 1,04% gagnvart evrunni og 3,3% gagnvart Bandaríkjadal. Hefur Bandaríkjadalur farið úr 144 krónum í 139 krónur og evran úr 154 krónum í 152 krónur.
Vikuna áður hafði krónan verið á stöðugri niðurleið og veikst um 2,3% gagnvart evru og 2% gagnvart Bandaríkjadal. Seðlabankinn er sagður hafa gripið sex sinnum inn í síðasta mánudag og selt fyrir 18 milljónir evra í heildina.
Helgina áður hafði verið greint frá því að erlendir ferðamenn hefðu verið að aflýsa ferðum til Íslands vegna fregna um yfirvofandi eldgos.
Tóku hlutabréf í flugfélögunum Play og Icelandair einnig væna dýfu en gengi félaganna tveggja tók við sér á ný eftir að dvínandi líkur á öskugosi sem myndi stöðva flugsamgöngur.
Síðast keypti Seðlabankinn krónur þann 9. janúar síðastliðinn og þá fyrir um 2,8 milljarða króna. Þá hafði krónan verið að gefa töluvert eftir dagana á undan.
Seðlabankinn hefur gefið það út að hann grípi inn í á markaði telji hann sveiflur í verðþróun vera óeðlilega miklar hvort sem það felst í of hraðri styrkingu eða of hraðri veikingu.
Krónan náði sínu sterkasta gildi gagnvart evru í lok ágúst en 29. þess mánaðar var evran að seljast á 141,9 krónur.
