Kvika banki hf. hefur minnkað hlut sinn í íslenska námuvinnslufyrirtækinu Amaroq Minerals og fer nú niður fyrir lögbundin tilkynningarmörk.
Bankinn á nú 2,92% hlut í félaginu, samkvæmt opinberri tilkynningu til Kauphallarinnar í dag.
Í tilkynningu sem birt kemur fram að Kvika hafi átt 3,88% hlut áður en eftir nýjustu breytingar nemur hlutdeildin nú 2,92% sem samsvarar 11.723.764 hlutum með atkvæðisrétt í Amaroq.
Með þessu fer bankinn niður fyrir 3% mörkin sem skylda er að tilkynna samkvæmt reglum Nasdaq og AIM-kauphallarinnar.
Kvika Asset Management, sem er í eigu Kviku, heldur áfram að eiga stærstan hluta eða 2,25% (9.031.909 hluti) en móðurfélagið sjálft á nú 0,67% (2.691.855 hluti).
Amaroq heldur áfram að nýta kaupréttaáætlun
Samhliða þessu tilkynnti Amaroq um stöðu kaupréttaáætlunar sinnar, þar sem fyrirtækið hefur gefið út 96.506 ný hlutabréf frá 24. október 2024 til 23. apríl 2025.
Þetta er hluti af fyrir fram samþykktum heimildum til útgáfu hluta til starfsmanna í tengslum við kaupakerfi fyrirtækisins.
Á heildina litið eru nú 9,16 milljónir hluta enn eftir undir áætluninni sem ekki hafa verið úthlutaðir.
