Fjármálaráðuneytið hefur ákveðið að ganga til samninga við þrjá aðila, Barclays, Citi og Kviku banka , um að vera umsjónaraðilar í fyrirhuguðu útboði ríkisins á hlutum í Íslandsbanka.
„Gert er ráð fyrir að samningum við aðilana þrjá verði lokið í þessum mánuði,” segir í tilkynningu fjármálaráðuneytisins.
Fjármálaráðuneytið hefur ákveðið að ganga til samninga við þrjá aðila, Barclays, Citi og Kviku banka , um að vera umsjónaraðilar í fyrirhuguðu útboði ríkisins á hlutum í Íslandsbanka.
„Gert er ráð fyrir að samningum við aðilana þrjá verði lokið í þessum mánuði,” segir í tilkynningu fjármálaráðuneytisins.
Fjársýsla ríkisins auglýsti í sumar fyrir hönd ráðuneytisins eftir umsjónaraðilum útboðsins, bæði á innlendum og/eða erlendum markaði.
„Mikill áhugi, ekki síst af erlendum aðilum, var á að taka að sér umsjón með næsta útboði ríkisins á hlutum Íslandsbanka, en hlutverk umsjónaraðila er að annast skipulagningu og yfirumsjón útboðsins m.a. utanumhald tilboðsbóka.“
Í júní síðastliðnum voru samþykkt á Alþingi lög um ráðstöfun eignarhlutar í Íslandsbanka hf. Lögin fela í sér að hlutur ríkisins í bankanum verði seldur í almennu hlutafjárútboði eða útboðum.
Í lögunum er m.a. tilgreint með hvaða hætti safnað er í tvær tilboðsbækur í útboði, hvernig verðlagningu verði háttað og úthlutun fari fram.
Fjármálaráðuneytið samdi í júlí við Fyrirtækjaráðgjöf Landsbankans sem sjálfstæðan fjármálaráðgjafa til að veita ráðuneytinu ráðgjöf varðandi skipulagningu og yfirumsjón á fyrirhuguðum útboðum á eignarhlut ríkisins í Íslandsbanka.