Hlutabréfaverð Kviku hækkaði um 2% í milljarða króna viðskiptum í Kauphöllinni í dag og var dagslokagengi bankans 20,8 krónur.
Gengi Kviku hefur verið sveiflukennt á síðustu vikum en eftir hækkun dagsins hefur hlutabréfaverð bankans hækkað um 3,5% sl. mánuð.
Hlutabréfaverð Heima hækkaði um rúmt 1% í 337 milljón króna viðskiptum en gengi fasteignafélagsins tók við sér í vikunni eftir töluverða lækkun í byrjun árs. Eftir hækkanir vikunnar hefur gengi Heima lækkað um 7% á árinu.
Hlutabréfaverð Ölgerðarinnar leiddi lækkanir á aðalmarkaði en félagið birti árshlutauppgjör eftir lokun markaða í gær sem sýndi fram á 22% hagnaðarsamdrátt milli ára.
Gengi Íslandsbanka lækkaði um 2% í um 222 milljón króna viðskiptum og var dagslokagengi bankana 119 krónur.
Töluverð velta var á markaði en um fjögur félög voru með meira en milljarðs króna veltu. Heildarvelta með bréf Oculis var 1,7 milljarðar, Arion banka 1,7 milljarðar, Hagar 1,4 milljarðar og Kvika 1 milljarður.
Þá var yfir 900 milljón króna velta með bréf Kviku og Festi. Þessi mikla velta gæti verið vegna þess að sjóðir séu að endurvigta sig í samræmi við breytingar á vísitölunni um áramót.
Úrvalsvísitalan OMXI15 lækkaði um 0,25% og var heildarvelta á markaði 10,6 milljarðar.
