Í kjölfar vaxtalækkunar Seðlabanka Íslands á miðvikudaginn sl. hefur Landsbankinn ákveðið að lækka vexti á inn- og útlánum sínum.
Ný vaxtatafla bankans tekur gildi 13. febrúar nk. eða á fimmtudaginn í næstu viku.
Helstu breytingar eru eftirfarandi:
Útlánsvextir
- Breytilegir vextir á óverðtryggðum íbúðalánum lækka um 0,50 prósentustig.
- Kjörvextir á óverðtryggðum lánum lækka um 0,50 prósentustig.
- Yfirdráttarvextir lækka um 0,50 prósentustig.
- Fastir vextir til þriggja ára á nýjum óverðtryggðum íbúðalánum lækka um 0,10 prósentustig.
- Fastir vextir til fimm ára á nýjum óverðtryggðum íbúðalánum lækka um 0,20 prósentustig.
Innlánsvextir
- Breytilegir vextir á óverðtryggðum veltureikningum lækka um 0,50 prósentustig.
- Breytilegir vextir á óverðtryggðum sparireikningum lækka um 0,50 prósentusti.
- Vextir á reikningum í erlendri mynt taka breytingum að mestu leyti í samræmi við breytingar á stýrivöxtum og markaðsvöxtum í viðkomandi mynt.
Í tilkynningu frá bankanum segir að vaxtabreytingar á útlánum, sem falla undir lög um neytendalán eða lög um fasteignalán til neytanda, taki gildi í samræmi við tilkynningar þar að lútandi sem sendar verða viðskiptavinum í netbanka.
Breytingar á vöxtum greiðslureikninga, sem falla undir lög um greiðsluþjónustu, taka gildi að tveimur mánuðum liðnum í samræmi við skilmála sem gilda um þá reikninga.
