Kötturinn Larry, sem hefur gegnt starfi músaveiðara að Downingstræti 10 frá árinu 2011, fær brátt nýjan húsbónda eftir sigur Keir Starmer og félaga í Verkamannaflokknum í þingkosningunum í Bretlandi í síðustu viku.

Starmer verður fyrsti vinstri sinnaði forsætisráðherrann sem Larry starfar undir. Í færslu á Twitter óskaði Larry nýjum yfirmanni sínum til hamingju með sigurinn og kvaðst spenntur fyrir að hitta JoJo, fjölskyldukött nýja forsætisráðherrans.