Launavísitalan hækkaði aðeins um 0,2% í maí mánuði en á síðustu mánuðum hefur dregið verulega úr árshækkun launavísitölunnar.
Launavísitalan stendur nú í 6,7% en í maí í fyrra stóð hún í 9,6% og fór hæst í 10,9% í september síðastliðnum þegar mestu launahækkanir vegna síðustu kjarasamningslotu voru komnar inn í vísitöluna.
Samkvæmt Hagsjá Landsbankans er líklegt að laun hækki mun minna nú en í fyrra þar sem samið var á mun hófstilltari hátt í yfirstandandi lotu en í þeirri síðustu.
Launavísitalan hækkaði aðeins um 0,2% í maí mánuði en á síðustu mánuðum hefur dregið verulega úr árshækkun launavísitölunnar.
Launavísitalan stendur nú í 6,7% en í maí í fyrra stóð hún í 9,6% og fór hæst í 10,9% í september síðastliðnum þegar mestu launahækkanir vegna síðustu kjarasamningslotu voru komnar inn í vísitöluna.
Samkvæmt Hagsjá Landsbankans er líklegt að laun hækki mun minna nú en í fyrra þar sem samið var á mun hófstilltari hátt í yfirstandandi lotu en í þeirri síðustu.
„Þó má áfram gera ráð fyrir hækkunum næstu mánuði eftir því sem áhrif kjarasamninga verða ljós. Einnig má leiða líkur að því að launaskrið verði talsvert minna en á síðustu misserum enda hefur hægt verulega á vexti hagkerfisins undanfarið og á fyrsta ársfjórðungi þessa árs dróst landsframleiðsla saman um 4%“ segir í Hagsjá bankans.
Greiningardeild Landsbankans bendir þó á að launavísitalan segi bara hálfa söguna því þrátt fyrir ríflegar launahækkanir á síðustu árum hefur verðbólga étið upp kaupmátt landsmanna.
„Þróun kaupmáttar launa segir til um launaþróun að teknu tilliti til verðbólgu og segir mun meira um þróun lífskjara en launaþróun ein og sér. Um mitt ár 2022 lauk 12 ára skeiði stöðugrar kaupmáttaraukningar. Þá tók kaupmáttur launa að dragast saman vegna ört vaxandi verðbólgu – flesta síðustu mánuði hefur kaupmáttur launa nú aukist lítillega aftur samfara hjaðnandi verðbólgu. Hann dróst reyndar saman um 0,4% á milli mánaða í maí og hefur aðeins hækkað um 0,5% á síðustu tólf mánuðum,“ segir í Hagsjá bankans.
Landsbankinn bendir einnig á að síhækkandi vaxtagjöld hafi dregið úr ráðstöfunartekjum heimila. Á sama tíma hafa vaxtatekjur heimila aukist og nýlega tóku vaxtatekjur heimilanna fram úr vaxtagjöldum sem hlutfall af ráðstöfunartekjum heimila.
Hagstofan áætlar að alls hafi vaxtatekjur heimila aukist um 36,1% á tímabilinu frá fyrsta ársfjórðungi síðasta árs til fyrsta fjórðungs þessa árs og að á sama tíma hafi vaxtagjöld aukist um 22,8%.
