Ingólfur Níels flutti fyrst til Ítalíu árið 1994 og ári seinna var hann kominn til Rómar. Á þeim tíma gekk hann í ítölsku leiklistarakademíuna og árið 1999 kynntist hann eiginkonu sinni, henni Hildi Hinriksdóttur, sem var einnig í námi á Ítalíu.

„Við fórum svo saman heim til Íslands árið 2001 þar sem við bjuggum í tíu ár. Við giftum okkur og eignuðumst tvo stráka. Þeir fluttu svo með okkur til Ítalíu árið 2011 þegar þeir voru fjögurra og átta ára gamlir og við höfum verið hér síðan þá.“