Peningastefnunefnd Seðlabankans var einróma um að halda stýrivöxtum óbreyttum vegna óvissu í tengslum við jarðhræringar á Reykjanesi. Nefndin var einróma í ákvörðun sinni í fyrsta sinn síðan í mars en þetta var önnur vaxtaákvörðunin í röð þar sem nefndin hélt vöxtum óbreyttum.
Að mati greiningardeildar Íslandsbanka hefðu vextir þó líklegast verið hækkaðir ef sú óvissa hefði ekki verið til staðar.
„Líkur á frekari hækkun stýrivaxta hafa aukist en þróun allmargra áhrifaþátta á eftir að leggjast beggja vegna á vogaskálar nefndarfólks fram að næstu vaxtaákvörðun,“ segir í greiningu bankans sem Jón Bjarki Bentsson, aðalhagfræðingur bankans, skrifar.
Peningastefnunefnd Seðlabankans var einróma um að halda stýrivöxtum óbreyttum vegna óvissu í tengslum við jarðhræringar á Reykjanesi. Nefndin var einróma í ákvörðun sinni í fyrsta sinn síðan í mars en þetta var önnur vaxtaákvörðunin í röð þar sem nefndin hélt vöxtum óbreyttum.
Að mati greiningardeildar Íslandsbanka hefðu vextir þó líklegast verið hækkaðir ef sú óvissa hefði ekki verið til staðar.
„Líkur á frekari hækkun stýrivaxta hafa aukist en þróun allmargra áhrifaþátta á eftir að leggjast beggja vegna á vogaskálar nefndarfólks fram að næstu vaxtaákvörðun,“ segir í greiningu bankans sem Jón Bjarki Bentsson, aðalhagfræðingur bankans, skrifar.
Jón Bjarki vísar í ummæli nýjasta meðlims peningastefnunefndarinnar, Ásgerðar Ósk Pétursdóttur í viðtali við Viðskiptablaðið þar sem hún fullyrti að hún hefði kosið að hækka vextina í nóvember ef ekki hefði komið til jarðhræringanna.
Helstu rök nefndarinnar fyrir óbreyttum vöxtum voru að rétt væri að við og sjá hverju fram vindur í jarðhræringum á Reykjanesi vegna óvissu um áhrif á efnahagslífið, sér í lagi ríkisfjármál, ferðaþjónustu, húsnæðismarkaðinn og þar með á verðbólguhorfur. Sem fyrr segir réðu þessi rök úrslitum um óbreytta vexti í nóvember.
Þá er einnig búið að hægjast á á umsvifum í efnahagslífinu og að dregið hefði úr vexti einkaneyslu og fjárfestingar.
Helstu rök fyrir hækkun vaxta voru að verðbólga væri enn þrálát og að verðbólguhorfur hefðu versnað á ný. Áfram væru horfur á ágætum hagvexti, framleiðsluspenna væri meiri en talið var og enn mikil spenna á vinnumarkaði.
„Í ljósi þess að áhyggjur af miklum hamförum á Reykjanesi á næstunni hafa minnkað talsvert frá vaxtaákvörðuninni í nóvember verða að teljast talsverðar líkur á því að vextir verði hækkaðir við næstu vaxtaákvörðun Seðlabankans þann 7. febrúar 2024,“ skrifar Jón Bjarki.
Það sé þó með öllu óvíst hvort nefndin hækki vexti í febrúar eða eða hvort botninn hafi verið sleginn í það í ágúst síðastliðnum.
„Í öllu falli teljum við líklegt að frekari hækkun vaxta tæpist veruleg. Þó er ekki hægt að útiloka að herða þurfi aðhald peningastefnunnar allnokkuð til viðbótar ef frekari hjöðnun verðbólgu lætur á sér standa á fyrri helmingi næsta árs eða verðbólgutakturinn hækkar jafnvel á nýjan leik,“ skrifar Jón Bjarki.
