Alvotech er sem stendur að innleiða nýja nálgun í íslensku atvinnulífi með því að fjárfesta í stóru vegglistaverki eftir samtímalistakonuna Önnu M.S. Guðmundsdóttur en hún er þekkt nafn í Noregi.
Vinna á verkinu hófst í síðustu viku og verður að öllum líkindum klárað í næsta mánuði. Alvotech segist vilja nýta tækifærið og vekja umræðu um samfélagslega ábyrgð fyrirtækja og mikilvægi þess að fyrirtæki leggi meira af mörkum í skapandi greinum.
Jóhann Jóhannsson, meðstofnandi Alvotech, segir í samtali við Viðskiptablaðið að Alvotech hafi ávallt hugað að skapandi listaverkum í rými fyrirtækisins alveg frá því að skrifstofur þess voru byggðar við Sæmundargötu.
„Þegar húsið okkar var byggt árið 2013 þá langaði okkur að hafa listaverk þarna, og eitt leiddi af öðru, og við höfðum samband við Erró. Hann kom síðan og gerði fyrir okkur 30-40 fermetra verk sem prýðir nú mötuneytið okkar.“
Nánar er fjallað um málið í Viðskiptablaði vikunnar. Áskrifendur geta lesið umfjöllunina í heild sinni hér.
