A.P. Møller-Mærsk, eitt stærsta gámaflutningafyrirtæki heims, hefur hækkað afkomuspána fyrir árið í annað sinn á skömmum tíma.
Mæersk segir að eftirspurn í gámaflutningum sé meiri en fyrirtækið gerði ráð fyrir.
Danska fyrirtækið greindi frá því í gær að það búist við því að flutningsverð á heimsvísu muni halda áfram að hækka og bæta afkomuna.
Samkvæmt The Wall Street Journal segir Mærsk eftirspurn vera í hámarki um þessar mundir.
Líkt og Viðskiptablaðið hefur fjallað um hafa skipafélög verið í stökustu vandræðum með síðustu misseri en lágt flutningsverð hefur lekið afkomu félaganna grátt ásamt átökum fyrir botni Miðjarðarhafs.
Í haust greindi Mærsk frá því að til stæði að segja upp tíu þúsund starfsmönnum á árinu en félagið hafði þá sagt upp 6.500 starfsmönnum á fyrstu þremur ársfjórðungum 2023.
Upphafleg afkomuspá Mærsk gerði ráð fyrir um 4-6 milljarða dala hagnaði fyrir afskriftir og fjármagnsliði en nú gerir skipafélagið ráð fyrir um 9 milljarða hagnaði.
Mærsk gerir einnig ráð fyrir að lausafjárstreymi verði um 1 milljarður dala en upphaflega var gert ráð fyrir því að lausafjárstreymi yrði neikvætt um 2 milljarða.
Á sama tíma hefur rekstur Eimskips verið erfiður en hagnaður Eimskips dróst saman um 36% á milli ára en félagið skilaði 54,5 milljóna evra hagnaði í fyrra sem samsvarar rúmlega 8,1 milljarði króna á gengi dagsins
Hlutabréfaverð Eimskips hækkaði þó um 4% í Kauphöllinni í gær eftir töluverða lækkun á árinu. Ef marka má afkomuspá Mærsk eru líkur á að betri tíma sé að vænta í gámaflutningum.
