Breska verðbréfafyrirtækið Marex Group sem starfar að mestu á London Metal Exchange (LME) er að undirbúa skráningu í Bandaríkjunum samkvæmt The Wall Street Journal.
Samkvæmt WSJ hefur fyrirtækið skilað inn frumútboðsgögnum til Verðbréfaeftirlits Bandaríkjanna en það eru ekki nema tvö ár síðan félagið ætlaði sér á markað í Lundúnum.
Marex Group fylgir þannig eftir fjölmörgum breskum fyrirtækjum sem sjá hag sínum betur borgið í Bandaríkjunum en í Bretlandi. Breska hálfleiðarafyrirtækið ARM var skráð á Nasdaq fyrr á árinu.
Breska verðbréfafyrirtækið Marex Group sem starfar að mestu á London Metal Exchange (LME) er að undirbúa skráningu í Bandaríkjunum samkvæmt The Wall Street Journal.
Samkvæmt WSJ hefur fyrirtækið skilað inn frumútboðsgögnum til Verðbréfaeftirlits Bandaríkjanna en það eru ekki nema tvö ár síðan félagið ætlaði sér á markað í Lundúnum.
Marex Group fylgir þannig eftir fjölmörgum breskum fyrirtækjum sem sjá hag sínum betur borgið í Bandaríkjunum en í Bretlandi. Breska hálfleiðarafyrirtækið ARM var skráð á Nasdaq fyrr á árinu.
Arm hefur lengi verið vonarstjarna breskra tæknifyrirtækja og sagði Rishi Sunak, forsætisráðherra Bretlands, að það væri „spark í andlitið“ að Softbank hafi ákveðið að skrá fyrirtækið á Nasdaq í Bandaríkjunum fremur en í Kauphöllina í Lundúnum.
Þá afskráði Smurfit Kappa, breski pappírs- og papparisinn, sig í Kauphöllinni í Lundúnum til að skrá sig í Kauphöllina í New York.
Ferðaþjónustufyrirtækið Tui er einnig sagt vera að íhuga afskráningu í Lundúnum til að færa sig alfarið í Kauphöllina í Frankfurt en bréf félagsins eru núna tvískráð.
Samkvæmt WSJ hefur ekkert verið gefið upp um mögulegt virði Marex Group í útboðinu en félagið hagnaðist um 124,5 milljónir Bandaríkjadala fyrir skatta og afskriftir á fyrstu sex mánuðum ársins. Samsvarar það um 17,4 milljörðum íslenskra króna.
Samkvæmt WSJ hefur ekkert verið gefið upp um mögulegt virði Marex Group í útboðinu en félagið hagnaðist um 124,5 milljónir Bandaríkjadala fyrir skatta og afskriftir á fyrstu sex mánuðum ársins. Samsvarar það um 17,4 milljörðum íslenskra króna.
Þegar félagið var að skoða skráningu í Lundúnum fyrir tveimur árum var matsvirði þess sagt um 800 milljónir dala.