Gengi samfélagsmiðilsins Truth Social, sem fór á markað í síðustu viku í gegnum samruna við sérhæft yfirtökufélag, féll um 22% í gær eftir að félagið birti ársuppgjör fyrir opnun markaða.
Samkvæmt uppgjörinu var fyrirtækið í töluverðri lausafjárkrísu undir lok síðasta árs og ef ekki hefði orðið af samrunanum hefði samfélagsmiðilinn líklegast orðið gjaldþrota.
Tekjur Truth Social á fjórða ársfjórðungi námu 750 þúsund dölum en fyrirtækið tapaði 60 milljónum Bandaríkjadala á árinu.
Samkvæmt The Wall Street Journal hefur samfélagsmiðlinum einungis tekist að ná inn 5,6 milljónum dala í tekjur frá stofnun árið 2021.
Gengi samfélagsmiðilsins Truth Social, sem fór á markað í síðustu viku í gegnum samruna við sérhæft yfirtökufélag, féll um 22% í gær eftir að félagið birti ársuppgjör fyrir opnun markaða.
Samkvæmt uppgjörinu var fyrirtækið í töluverðri lausafjárkrísu undir lok síðasta árs og ef ekki hefði orðið af samrunanum hefði samfélagsmiðilinn líklegast orðið gjaldþrota.
Tekjur Truth Social á fjórða ársfjórðungi námu 750 þúsund dölum en fyrirtækið tapaði 60 milljónum Bandaríkjadala á árinu.
Samkvæmt The Wall Street Journal hefur samfélagsmiðlinum einungis tekist að ná inn 5,6 milljónum dala í tekjur frá stofnun árið 2021.
Útboðið skilaði um 300 milljónum dala
Skráning samfélagsmiðilsins á Nasaq, með sameiningu við sérhæfða yfirtökufélagið Digital World Acquisition Corp., skilaði þó fyrirtækinu 300 milljónum dala sem ætti að vera meira en nóg til að halda rekstrinum gangandi.
Gengi hins sameinaða félags, Trump Media & Technology Group Corp, sem notar auðkennið DJT á Nasdaq er þó enn 389% hærra en útboðsgengið í DWAC árið 2021.
Markaðsvirði félagsins var um 6,3 milljarðar dala við lokun markaða í gær.
Markaðsvirði tæplega 60% hlutar Donald Trumps fyrrverandi forseta Bandaríkjanna í félaginu lækkaði um 1 milljarð dala í viðskiptum gærdagsins en hlutur hans er nú metinn á rúma 3,7 milljarða dali, sem samsvarar um 517 milljörðum íslenskra króna á gengi dagsins.