Hlutabréfaverð Íslandsbanka hækkaði um rúmt 1% í 3 milljarða króna viðskiptum í dag. Dagslokagengi bankans var 118,5 krónur á hlut sem er rúmlegar 11% hærra en útboðsgengið í nýafstöðnu útboði ríkisins.
Alls voru 494 viðskipti með bréf bankans í dag en stærstu einstöku viðskiptin fóru í gegn rétt eftir hádegi. Alls skiptust rúmlega 3 milljón hlutir um hendur á genginu 118,75 krónur á hlut sem samsvarar um tæplega 362 milljón króna viðskiptum.
Þeir fjárfestar sem keyptu í útboðinu fyrir 20 milljónir króna, sem var hámarkið í tilboðsbók A, gætu því selt hlut sinn í dag með 2.243.084 króna hagnaði.
Gengi Íslandsbanka hefur nú hækkað um tæp 7% síðastliðinn mánuð.
Hlutabréfaverð Play leiddi hækkanir í Kauphöllinni í dag er gengi flugfélagsins fór upp um 4,6% í örviðskiptum. Dagslokagengi Play var 0,8 krónur á hlut sem er 20% lægra en í ársbyrjun.
Hlutabréfaverð Reita hækkaði um 4% í 346 milljón króna viðskiptum. Dagslokagengi fasteignafélagsins var 117 krónur á hlut.
Hlutabréf fasteignafélagsins Eikar hækkuðu um rúm 3% en líkt og Viðskiptablaðið greindi frá í dag juku Brimgarðar hlut sinn í félaginu fyrir um 200 milljónir nýverið.
Dagslokagengi Eikar var 13,95 krónur á hlut en gengi félagsins hefur hækkað um 13% síðastliðinn mánuð.
Dagslokagengi Eikar var 13,95 krónur á hlut en gengi félagsins hefur hækkað um 13% síðastliðinn mánuð.
Gengi Iceland Seafood International hækkaði einnig 3% í viðskiptum dagsins og var daglokagengi félagsins 5,15 krónur á hlut.
Gengi Ísfélagsins fór upp um 2,4% í viðskiptum dagsins og var daglokagengið 128 krónur á hlut eftir rúm 14% lækkun á árinu.
ISI og Ísfélagið birta bæði uppgjör eftir lokun markaða.
Úrvalsvísitalan hækkaði um 0,68% og lokaði í 2.681,31 stigum. Heildarvelta á markaði var 7,7 milljarðar.
