Bandaríska matvöruverslunin Kroger segir að hún muni selja lyfjaverslun sína til dótturfyrirtækis Elevance Health. Að sögn Wall Street Journal mun CarelonRx taka yfir starfsemi lyfjavöruverslunarinnar.
Kroger hefur ekki greint frá skilmálum samkomulagsins en segir að samningurinn verði fullgerður á seinni hluta þessa árs.
Sala apóteksins kemur á sama tíma og Kroger stefnir að því að ljúka samruna sínum við samkeppnisaðila sinn, Albertsons. Samruninn hefur mætt mikilli andstöðu bandarískra eftirlitsaðila en alríkisviðskiptanefndin kærði samrunann í síðasta mánuði. Yfirvöld halda því fram að samruninn muni hækka matvælaverð og skaða samningastöðu stéttarfélaga.
Kroger og Albertsons, stærstu og næststærstu matvöruverslanir í Bandaríkjunum miðað við sölu, hafa reynt að koma til móts við samkeppniseftirlitið með því að selja eignir sínar.
Fyrirtækin sögðu í september á síðasta ári að þau myndu selja 400 verslanir, auk nokkurra dreifingarmiðstöðva og einkamerkja.
