Nú þegar árinu 2024 er senn að ljúka er tilvalið að líta yfir þær erlendu fréttir sem vöktu mesta athygli lesenda á liðnu ári. Hér eru þær fréttir sem voru í sætum 1 til 5 yfir mest lesnu erlendu fréttir ársins.
1. Töpuðu um 13 milljörðum vegna Excel-villu
Norski olíusjóðurinn, stærsti þjóðarsjóður heims, tapaði um 92 milljónum Bandaríkjadala eða um 12,6 milljörðum íslenskra króna vegna Excel-villu.
2. Bjóða ótakmarkaðar flugferðir fyrir 76 þúsund krónur
Flugfélagið Wizz Air byrjaði að bjóða upp á áskriftarþjónustu þar sem viðskiptavinir geta flogið eins oft og þeir vilja fyrir 499 evrur, eða tæpar 76 þúsund krónur á ári.
3. Dularfulli danski milljarðamæringurinn hagnast vel
Ib Nymark Hegelund, sem danski viðskiptamiðillinn Børsen segir vera leyndardómsfyllsta milljarðamæring Danmerkur, hagnaðist gríðarlega í fyrra.
4. Greiða 107 milljarða í arð rétt fyrir jól
Danske bank, stærsti banki Danmerkur, ákvað að greiða hluthöfum 5,5 milljarða danskra króna eða um 107 milljarða íslenskra króna í arð.
5. Segist hafa ekkert annað val en að flytja
Elon Musk sagði í færslu á samfélagsmiðlinum X að hann hafi ekki haft neitt annað val en að flytja höfuðstöðvar fyrirtækisins frá San Francisco.
