Alls bárust 73 umsóknir um hlutdeildarlán til Húsnæðis- og mannvirkjastofnunar í október síðastliðinn. Langflestar umsóknirnar voru vegna kaupa á íbúðum á höfuðborgarsvæðinu eða 58 umsóknir, 14 umsóknir voru á vaxtarsvæðum utan höfuðborgarsvæðisins og 1 umsókn á landsbyggð utan vaxtarsvæða.
Þetta kemur fram á vef HMS en greiningardeildir bankanna og hagfræðingar hafa bent á það að hlutdeildarlánin séu að öllum líkindum verðbólguvaldandi en Sigurður Ingi Jóhannsson innviðaráðherra ákvað í sumar að útvíkka úrræðið.
Það sem af árinu 2023 þá hefur HMS veitt 178 hlutdeildarlán fyrir ríflega tvo milljarða króna. Um 57% lánanna eru á svokölluðum vaxtarsvæðum utan höfuðborgarsvæðisins (101 lán) og 40% þeirra á höfuðborgarsvæðinu (71 lán). Þá hafa 6 lán verið veitt á landsbyggð utan vaxtarsvæða.
Alls bárust 73 umsóknir um hlutdeildarlán til Húsnæðis- og mannvirkjastofnunar í október síðastliðinn. Langflestar umsóknirnar voru vegna kaupa á íbúðum á höfuðborgarsvæðinu eða 58 umsóknir, 14 umsóknir voru á vaxtarsvæðum utan höfuðborgarsvæðisins og 1 umsókn á landsbyggð utan vaxtarsvæða.
Þetta kemur fram á vef HMS en greiningardeildir bankanna og hagfræðingar hafa bent á það að hlutdeildarlánin séu að öllum líkindum verðbólguvaldandi en Sigurður Ingi Jóhannsson innviðaráðherra ákvað í sumar að útvíkka úrræðið.
Það sem af árinu 2023 þá hefur HMS veitt 178 hlutdeildarlán fyrir ríflega tvo milljarða króna. Um 57% lánanna eru á svokölluðum vaxtarsvæðum utan höfuðborgarsvæðisins (101 lán) og 40% þeirra á höfuðborgarsvæðinu (71 lán). Þá hafa 6 lán verið veitt á landsbyggð utan vaxtarsvæða.
„Frá því að hlutdeildarlán hófu göngu sína á síðari hluta árs 2020 þá hefur HMS veitt samtals 631 lán að fjárhæð samtals 5.668 milljónir króna. Um 2.887 milljónir eru vegna kaupa á íbúðum á vaxtarsvæðum, um 2.640 milljónir á höfuðborgarsvæðinu og tæplega 140 milljónir króna á landsbyggð utan vaxtarsvæða,“ segir á vef HMS.
„Nokkur aukning hefur verið í umsóknum um hlutdeildarlán að undanförnu. Á fyrri hluta ársins bárust 33 umsóknir en eru þær nú orðnar alls 495 talsins og er þetta mesti fjöldi umsókna frá því að reglur um hlutdeildarlán tóku fyrst gildi á síðari hluta árs 2020,” segir þar enn fremur en Sigurður Ingi ákvað í sumar að útvíkka úrræðið til muna.
Gunnar Úlfarsson hagfræðingur Viðskiptaráðs benti á það í gær að stjórnvöld hafa síðastliðna tvo áratugi eytt um 902 milljörðum í stuðningsaðgerðir á húsnæðismarkaði. En ¾ stuðningsins hefur verið eftirspurnarmegin. Aðgerðirnar hafa ekki sýnt teljandi árangur og snúist upp í andhverfu sína með hækkandi húsnæðisverði.
Í samtali við Viðskiptablaðið sagði Konráð S. Guðjónsson, þá aðalhagfræðingur Arion Banka, að breytingar Sigurðar Inga á hlutdeildarlánunum hefðu kynnt undir verðbólguna.
„Við værum að spá töluvert lægri verðbólgutakti í janúar ef við værum ekki sjá þessa nýjustu verðbólgu á húsnæðismarkaði,“ segir Konráð. „Verðbólgan myndi koma fyrr niður,“ bætti hann við.
Skömmu síðar sagði greiningardeild Íslandsbanka að líklegustu skýringuna á verðhækkun á fjölbýli að undanförnu vera útvíkkun á skilyrðum hlutdeildarlána í sumar.
