Peningastefnunefnd taldi á málfundi sínum að það væri áhyggjuefni að verðbólga væeir að hjaðna hægar en búist hafði verið við og að verðbólguvæntingar væru enn háar, samkvæmt Ásgeiri Jónssyni seðlabankastjóra.
Seðlabankinn birti rétt í þessu skýrslu peningastefnunefndar um störf hennar frá janúar til júní sem nefndin sendi Alþingi fyrir helgi.
Ásgeir skrifar skýrsluna fyrir hönd nefndarinnar og fer hann þar yfir ástæður þess að nefndin hefur haldið vöxtum óbreyttum á síðustu fjórum fundum sínum. Verðbólga hefur lækkað úr 7,7% í 5,8% á árinu.
Peningastefnunefnd taldi á málfundi sínum að það væri áhyggjuefni að verðbólga væeir að hjaðna hægar en búist hafði verið við og að verðbólguvæntingar væru enn háar, samkvæmt Ásgeiri Jónssyni seðlabankastjóra.
Seðlabankinn birti rétt í þessu skýrslu peningastefnunefndar um störf hennar frá janúar til júní sem nefndin sendi Alþingi fyrir helgi.
Ásgeir skrifar skýrsluna fyrir hönd nefndarinnar og fer hann þar yfir ástæður þess að nefndin hefur haldið vöxtum óbreyttum á síðustu fjórum fundum sínum. Verðbólga hefur lækkað úr 7,7% í 5,8% á árinu.
Í tengslum við fund nefndarinnar í maí, segir Ásgeir að ásamt háum verðbólguvæntingum væri innlend eftirspurn einnig enn nokkuð sterk, talsverð áraun væri á framleiðsluþætti og vísbendingar um að hægt hefði á vinnumarkaði væru ekki afgerandi.
„Þá gætu nýlegar launahækkanir og aðgerðir í ríkisfjármálum stutt við eftirspurn auk þess sem hætta væri á að fyrirtæki fleyttu launahækkunum að einhverju leyti út í verðlag þegar enn væri spenna í þjóðarbúskapnum,“ segir Ásgeir.
Ásgeir segir að nefndin teldi taumhald peningastefnunnar líklega orðið nægjanlegt og nokkrar líkur á því að það myndi aukast á næstu mánuðum þótt vextir héldust óbreyttir.
„Hins vegar væru ekki komnar fram nægjanlega skýrar vísbendingar um að verðbólguþrýstingur væri að hjaðna með ásættanlegum hætti. Af þeim sökum fæli það í sér meiri áhættu að lækka vexti of snemma en að hafa þá óbreytta enn um sinn. Framhaldið myndi ráðast af því hvernig efnahagsumsvif, verðbólga og verðbólguvæntingar þróast næstu misseri þar sem mikilvægt væri að viðhalda hæfilegu aðhaldsstigi,“ skrifar Ásgeir.
Samkvæmt nýrri þjóðhagsspá Seðlabankans í maí var meiri spenna í þjóðarbúskapnum en áður var talið og því útlit fyrir að verðbólga myndi minnka hægar en gert hafði verið ráð fyrir.
Verðbólguvæntingar höfðu lækkað á suma mælikvarða en voru enn yfir markmiði. Áhrif nýgerðra kjarasamninga og aðgerða í ríkisfjármálum á eftirspurn voru ekki að fullu komin fram.
Taumhald peningastefnunnar sem er mælt með raunvöxtum Seðlabankans hefur aukist á árinu.
Raunvextir Seðlabankans miðað við meðaltal mismunandi mælikvarða á verðbólgu og verðbólguvæntingar til eins árs voru 4% um mitt ár eða um 1,1 prósentu hærri en í upphafi ársins þegar nefndin sendi síðustu skýrslu til Alþingis og 2,7 prósentum hærri en um mitt síðasta ár.
Miðað við tólf mánaða verðbólgu hækkuðu raunvextir bankans um 1,8 prósentur á fyrri hluta ársins og voru 3,3% í lok júní. Þar sem nafnvextir bankans hafa ekki verið hækkaðir á árinu endurspeglar hækkun raunvaxta í ár hjöðnun verðbólgu og skammtímaverðbólguvæntinga
