Um tveggja milljarða skiptasamningur (e. Swap) á hlutabréfum Eikar og bréfum annarra skráðra félaga í Kauphöllinni fór í gegn í morgun, samkvæmt heimildum Viðskiptablaðsins.
Um utanþingsviðskipti er að ræða sem tilkynnt voru við opnun markaða. Hlutabréfaverð Eikar lækkaði um tæp 5% og var heildarvelta með bréf félagsins 1,9 milljarðar krónur.
Um tveggja milljarða skiptasamningur (e. Swap) á hlutabréfum Eikar og bréfum annarra skráðra félaga í Kauphöllinni fór í gegn í morgun, samkvæmt heimildum Viðskiptablaðsins.
Um utanþingsviðskipti er að ræða sem tilkynnt voru við opnun markaða. Hlutabréfaverð Eikar lækkaði um tæp 5% og var heildarvelta með bréf félagsins 1,9 milljarðar krónur.
Gengi Brims og Síldarvinnslunnar, sem bæði birtu árshlutauppgjör eftir lokun markaða í gær, lækkaði um rúm 3%. Hagnaður útgerðarfélaganna dróst verulega saman á milli ára er loðnubrestur hafði mikil áhrif á afkomuna.
Hlutabréfaverð Hampiðjunnar, sem einnig birtir árshlutauppgjör eftir lokun markaða í gær, lækkaði um 3%.
Hampiðjan hagnaðist um 2,7 milljónir evra á fyrsta ársfjórðungi eða sem nemur 409 milljónum króna. Til samanburðar hagnaðist félagið um 2,2 milljónir evra á sama tímabili í fyrra.
Hlutabréfaverð Sýnar, sem hefur lækkað um hátt í 20% síðastliðinn mánuð breytti um stefnu og hækkaði örlítið í yfir 300 milljón króna veltu.
Úrvalsvísitalan OMXI 15 lækkaði um 0,63%. Heildarvelta á markaði var 5,9 milljarðar.
