Föt og skór ehf., sem rekur m.a. verslanir Herragarðsins og Boss búðina, skilaði 53 milljóna króna hagnaði á síðasta ári og dróst hagnaðurinn saman um helming milli ára en hagnaðurinn 137 milljónum króna árið áður.
Föt og skór ehf., sem rekur m.a. verslanir Herragarðsins og Boss búðina, skilaði 53 milljóna króna hagnaði á síðasta ári og dróst hagnaðurinn saman um helming milli ára en hagnaðurinn 137 milljónum króna árið áður.
Velta félagsins jókst um 288 milljónir eða um 9,8% milli ára og nam 3,2 milljörðum króna í fyrra. Rekstrarhagnaður fyrir afskriftir (EBITDA) lækkaði úr 246 milljónum í 153 milljónir milli ára.
Fyrirtækið rekur verslanir á 9 stöðum á höfuðborgarsvæðinu, Herragarðinn og Matthildi í Kringlunni og Smáralind, BOSS búðina, Englabörn og Hanz í Kringlunni, Collection á Hafnartorgi og Outlet Holtagörðum.
Í skýrslu stjórnar í ársreikningi félagsins er bent á að á síðasta ári opnaði félagið nýtt Outlet í Holtagörðum og Mathildi í Smáralind. Þá var Herragarðurinn Kringlunni stækkaður.
„Í ljósi mikils innri og ytri vaxtar félagsins munu stjórnendur leggja áherslu á að samþætta reksturinn og styrkja innri verkferla til að geta betur tekist á við nýjungar í tengslum við netverslun og almennt aukna samkeppni á smásölumarkaði með föt og skó á komandi árum.“
Eignir félagsins voru bókfærðar á 1,6 milljarða króna í árslok 2023 og eigið fé var um 554 milljónir. Stjórn félagsins lagði til að greiddar verði 25 milljónir króna í arð á árinu 2024.
Föt og skór ehf. eru í eigu 1967 ehf. sem er í eigu Hákonar Hákonarsonar og Ingibjargar Kristófersdóttur.
Lykiltölur / Föt og skór ehf.
| 2022 |
| 2.944 |
| 246 |
| 137 |
| 1.551 |
| 527 |
| 46 |
