Minni hagnaður hjá Skinney-Þinganesi

Samstæða Skinney-Þinganes, sem rekur m.a. útgerð og fiskvinnslu, hagnaðist um 639 milljónir króna í fyrra, samanborið við 3,3 milljarða hagnað árið 2023. Tekjur drógust saman um tæp 23% og námu 13,3 milljörðum króna.

Í skýrslu stjórnar segir að loðnubrestur og dráttur síldarvertíðar skýri að mestu lækkun tekna. Auk þess muni lítil úthlutun í loðnu jafnframt hafa áhrif á rekstur ársins 2025.

Unnið sé að því að styrkja stoðir rekstrarins, m.a. með kaupum á uppsjávarskipi sem afhent verður í nóvember 2025.

Fréttin birtist fyrst í Viðskiptablaðinu, sem kom út sl. miðvikudag.