Matsfyrirtækið Moodys hefur breytt horfum á lánshæfi Landsvirkjunar úr stöðugum í jákvæðar og staðfest Baa1 lánshæfiseinkunn fyrirtækisins.
Þá hefur Moody´s hækkað grunneinkunn Landsvirkjunar (e. The Baseline Credit Assessment, BCA) úr ba1 í baa3 en það hefur ekki áhrif á lánshæfiseinkunn.
Í tilkynningu frá Landsvirkjun segir að þessi breyting Moodys endurspegli jákvæðan og sterkan rekstur Landsvirkjunar síðustu ár, góða fjárhagsstöðu og lækkun skulda.
Auk þess hafa breyttar horfur á lánshæfi ríkissjóðs Íslands áhrif en í júlí 2023 breytti matsfyrirtækið horfum ríkissjóðs úr stöðugum í jákvæðar.
Matsfyrirtækið Moodys hefur breytt horfum á lánshæfi Landsvirkjunar úr stöðugum í jákvæðar og staðfest Baa1 lánshæfiseinkunn fyrirtækisins.
Þá hefur Moody´s hækkað grunneinkunn Landsvirkjunar (e. The Baseline Credit Assessment, BCA) úr ba1 í baa3 en það hefur ekki áhrif á lánshæfiseinkunn.
Í tilkynningu frá Landsvirkjun segir að þessi breyting Moodys endurspegli jákvæðan og sterkan rekstur Landsvirkjunar síðustu ár, góða fjárhagsstöðu og lækkun skulda.
Auk þess hafa breyttar horfur á lánshæfi ríkissjóðs Íslands áhrif en í júlí 2023 breytti matsfyrirtækið horfum ríkissjóðs úr stöðugum í jákvæðar.
Samkvæmt Moody´s gæti lánshæfiseinkunn Landsvirkjunar hækkað ef lánshæfiseinkunn ríkissjóðs hækkar og ef sjóðstreymis- og skuldakennitölur Landsvirkjunar halda áfram að vera sterkar.
Í lok árs í fyrra hækkaði S&P Global Ratings lánshæfismat Landsvirkjunar um einn flokk, í A- úr BBB+, með stöðugum horfum.
Landsvirkjun hagnaðist um 209,5 milljónir dala, eða sem nemur nærri 29 milljörðum króna, á árinu 2023, sem er um 30% aukning frá fyrra ári.
Stjórn fyrirtækisins lagði til að arður til ríkisins yrði upp á 20 milljarða króna líkt og í fyrra. Aðalfundur Landsvirkjunar í apríl samþykkti síðan tillögu stjórnar um að hækka arðgreiðsluna í 30 milljarða.
Eignir Landsvirkjunar voru bókfærðar á 3.614 milljónir dala eða um 492 milljarða króna í árslok 2023.