Elon Musk veitti milljón dala verðlaun til starfsmanns í kosningateymi Donalds Trumps, verðandi Bandaríkjaforseta. Musk hafði lofað milljón dala verðlaun til skráðra kjósenda í sveifluríkjum.
Tyler VanAkin hlaut verðlaunin og var myndaður á kjördegi á flugvelli í Atlanta þar sem hann var á leið í kosningaveislu í West Palm Beach.
Hin upprunalega færsla minntist ekki á að hann hefði unnið fyrir kosningateymi Trumps en Musk hafði sett saman verðlaunin nokkrum vikum á undan. Fyrsta ávísunin var gefin út 19. október og var síðan tilkynnt um verðlaun á hverjum degi á samfélagsmiðlinum X.
Happdrættið lenti síðan í málsókn og hélt bandaríski saksóknarinn Larry Krasner því fram að Musk hefði sett saman ólöglegt happdrættiskerfi til að safna tengiliðaupplýsingum kjósenda.
