Fjölskyldurekni veitingastaðurinn Daddi‘s Pizza hefur nú opnað sinn fyrsta stað í Reykjavík í Skipholti 70 en þar hafði Pizza King verið til húsa síðan 2011. Daddi‘s Pizza opnaði fyrst í Vogum í Mývatnssveit árið 2009 við góðar undirtektir heima- og ferðamanna.

Þuríður Helgadóttir, framkvæmdastjóri Voga ferðaþjónustu, sem á og rekur Daddi‘s, segir að það hafi staðið til að opna veitingastað í Reykjavík í nokkur ár.