Níu teymi taka þátt í viðskiptahraðlinum Hringiðu 2024 en þar er lögð áhersla á sjálfbærni og hefur hraðalinn það markmiði að draga fram, efla og styðja við græn nýsköpunarverkefni á frumstigi.
Tveir sprotar sem fengu sæti í Hringiðuhraðlinum urðu til í lausnamótinu Þráðaþoni sem KLAK hélt í upphafi árs í samstarfi við Hringrásarklasann með stuðningi frá Umhverfis, orku og loftslagsráðuneyti.
Þungamiðja Hringiðu felst í skipulögðum vinnustofum og fundum með sérfræðingum úr hópi mentora frá KLAK VMS. Framfarir þátttakenda undir handleiðslu mentoranna skila sér í stórauknum líkum á að sprotarnir nái árangri, íslensku samfélagi til hagsbóta.
Bakhjarlar Hringiðu eru Reykjavíkurborg, Umhverfis-, orku- og loftslagsráðuneytið, Orkuveitan, Faxaflóahafnir, Terra, Ölgerðin og Samtök iðnaðarins. Samstarfsaðilar Hringiðu eru Rannís, Breið þróunarfélag, Evris, Sjávarklasinn, Grænvangur, Orkuklasinn, Hugverkastofa, F6S og Hringrásarklasinn.
Teymin sem taka þátt árið 2024 eru:
Arctic Fibers var stofnað af Alice Sowa og Matthildi Marvinsdóttur en þess má geta að Alice Sowa tók þátt í Gullegginu 2024 með aðra hugmynd, Ullarköggla, og komst í Topp 10. Arctic Fibers umbreytir lúpínu, sem er ágeng planta í íslenskri náttúru, í verðmæta vöru sem styður við hringrásarhagkerfi Íslands.
Circula ehf. var stofnað af þeim Sighvati Lárussyni og Kára Sighvatssyni. Recoma Ísland endurvinnur samsettar pappaumbúðir svo sem Tetra Pak og framleiðir úr þeim grænar byggingaplötur með 80-90% minna kolefnisspor en aðrar byggingaplötur. 100% endurvinnsla úrgangsstrauma hér á landi þar sem afurðin er grænt byggingarefni.
Ekkó var stofnað af Smára Jósafatssyni. Markmið er að bjóða umhverfisvænu Ekkó toghlera okkar sem spara að meðaltali um 7,5% olíu á veiðum sem sparar fljótt verðgildi hleranna. Auk þess sem Ekkó toghlerarnir svífa yfir botninum og vernda lífríkið við botninn.
Að Flöff Textílvinnslunni standa þær Margrét Katrín Guttormsdóttir, Ragnheiður Stefánsdóttir, Sigríður Tryggvadóttir, Sæunn Kjartansdóttir og Ólöf Sigríður Jóhannsdóttir. Flöff-textílvinnsla myndaðist í Þráðaþoni KLAK í janúar og var þar í fyrsta sæti. Flöff ætlar að koma á fót fyrstu textíl endurvinnslustöðinni á Íslandi, þar sem ónothæfur textíll er brotinn niður og úr honum sköpuð ný verðmæti.
Í djúpum var stofnað af þeim Sveini Gunnarssyni og Beggu Rist. Í dag er miklu af hrossataði á Íslandi fargað, með miklum tilkostnaði fyrir eigendur hesta, án þess að taðið nýtist. Til að stemma stigu við innflutningi á moltu og áburði stefnir teymið að því, með ákveðnu vinnsluferli, að gera gæða vöru úr hrossataðinu, sem hægt verður að nýta í garðyrkju, ræktun svo eitthvað sé nefnt.
RÓ teymið samanstendur af Litten Nystrøm, Haraldi Karlssyni. RÓ rannsakar og hannar vistvæna nytjahluti með áherslu á vellíðan og rósemi, byggða á staðbundnum hráefnum. Við kynnum hér með RÓSEMI Legubekk, Flóru Hugleiðslu púða og RÓ Ullardýnu, unna úr ull, viði og Jurtalitum.
Í SeaGrowth teyminu er þau Alexander Schepsky, Birgitta Ásgrímsdóttir, Martin Uetz, Sigrún Gudjonsdottir og þess má geta að hugmyndin hreppti Gulleggið 2024. SeaGrowth ætlar að framleiða vistræktaðan fiskmassa úr fiskfrumum fyrir matvælaframleiðslu. Ferlið er þannig að frumsýni er tekið úr villtum heilbrigðum fiski, frumurnar einangraðar og ræktaðar upp í þartilgerðum ræktunartönkum. Fiskmassinn sem verður til, verður seldur til matvinnslufyrirtækja sem vinna úr hrávörunni fiskrétti tilbúna fyrir neytendur.
Velja teymið eru þau Arna Sigrún Haraldsdóttir, Gunnhildur Edda Guðmundsdóttir, Luke Hening og Sesar Hersisson. Hugmyndin varð til lausnamótinu Þráðaþoni í janúar og fékk sérstök hvatningarverðlaun. Velja er hugbúnaðarlausn sem býður upp á fataleigu í formi ‘capsule’ fataskápa sem mætir fjölbreyttum fataþörfum einstaklinga á sjálfbæran hátt. Velja fær notuð föt beint frá einstaklingum og frá endurvinnslustöðvum. Velja stefnir að vexti með sérleyfum þar sem frumkvöðlar geta nýtt sér hugbúnaðarlausn, ferla og markaðsímynd Velja í eigin rekstri.
Vistbók var stofnað af Svölu Jònsdòttur, Rósu Dögg Þorsteinsdóttur og Berglindi Ómarsdóttur. Vistbók safnar sjálfbærniupplýsingum fyrir byggingarvörur og setur þær á aðgengilegt stafrænt form til að einfalda skilning hönnuða á hvernig val á byggingarefnum hefur áhrif á vistvænni byggingarinnar.
