Fyrirtækið Nómína, sem er í eigu sex nemenda við Verslunarskóla Íslands; Orra Einarssonar, Söndru Diljár Kristinsdóttur, Össurar Antons Örvarssonar, Tómasar Pálmars Tómassonar, Dagnýjar Rósar Björnsdóttur og Ólafs Inga Jóhannessonar, var valið fyrirtæki ársins 2023 í samkeppni Ungra frumkvöðla, Junior Achievement á Íslandi.
Uppskeruhátíðin fór fram í höfuðstöðvum Arion banka fimmtudaginn 27. apríl. Mun Nomína keppa fyrir hönd Íslands, í Evrópukeppni Ungra frumkvöðla – GEN_E 2023 sem fer fram í Istanbúl, Tyrklandi dagana 11. – 14. júlí.
Um 6.000.000 nemenda hófu keppni í 40 Evrópulöndum og verður eitt lið valið frá hverju landi til að keppa um „Junior Achievement Company of the Year – GEN_E 2023“
30 fyrirtæki frá 15 framhaldsskólum voru valin úr hópi 160 fyrirtækja sem 700 nemendur stofnuðu á önninni, til að taka þátt í úrslitum Fyrirtækjasmiðju Ungra frumkvöðla 2023.
Benedikt Gíslason bankastjóri Arion banka og Ragnheiður Jóhannesdóttir þjónustustjóri veittu verðlaun og viðurkenningar til eftirfarandi fyrirtækja:
- Fyrirtæki ársins – Nómína, Verslunarskóli Íslands
- Fyrirtæki ársins 2. Sæti - Bein, Verslunarskóli Íslands
- Fyrirtæki ársins 3. Sæti – Aur og Áhætta, Verslunarskóli Íslands
- Frumlegasti sölubásinn – Smáralind – Roð snakk, Tækniskólinn
- Frumlegasti sölubásinn – Ísafjörður – Poddi, Menntaskólinn á Ísafirði
- Öflugasta sölustarfið – Smáralind – Nómína, Verslunarskóli Íslands
- Öflugasta sölustarfið – Ísafjörður – ALMA, Menntaskólinn á Ísafirði
- Áhugaverðasta nýsköpunin – H.Hampur, Fjölbrautaskóli Norðurlands vestra
- Samfélagsleg nýsköpun – GymbosRPG, Menntaskólinn á Ásbrú
- Áhugaverðasta fjármálalausnin, Aur og Áhætta Verslunarskóli Íslands
- Besti sjó-bissnessinn - BEIN, Verslunarskóli ÍslandsMatvælafyrirtæki ársins – Stökk, Verslunarskóli Íslands
- Besta hönnunin – KONVI, Verslunarskóli Íslands
- Áhugaverðasta tækninýjungin – Plútó, Verslunarskóli Íslands
- Fjölbreytt teymi - Ænýtt Menntaskólinn við Sund
- Umhverfisvænasta lausnin – Plastcase, Borgarholtsskóli
Hér að neðan má sjá eigendur Nómína, en þau munu keppa fyrir hönd Íslands í Alþjóðlegri fyrirtækjakeppni í Tyrklandi í sumar.
