Hópur af kaþólskum nunnum, sem jafnframt eru hluthafar í skotvopnaframleiðandanum Smith & Wesson, hefur stofnað málsóknarfélag gegn hluthafa gegn fyrirtækinu.
Nunnurnar stefndu skotvopnaframleiðandanum, sem er skráður á markað, í Nevada-ríki en samkvæmt kærugögnum halda nunnurnar því fram að stjórn fyrirtækisins sé ekki að starfa með hag hluthafa fyrir brjósti.
Málsóknin krefst þess að fyrirtækið breyti um stefnu í tengslum við framleiðslu og markaðssetningu á AR-15 rifflinum sem hefur verið notaður margsinnis til fjöldamorða í Bandaríkjunum.
Hópur af kaþólskum nunnum, sem jafnframt eru hluthafar í skotvopnaframleiðandanum Smith & Wesson, hefur stofnað málsóknarfélag gegn hluthafa gegn fyrirtækinu.
Nunnurnar stefndu skotvopnaframleiðandanum, sem er skráður á markað, í Nevada-ríki en samkvæmt kærugögnum halda nunnurnar því fram að stjórn fyrirtækisins sé ekki að starfa með hag hluthafa fyrir brjósti.
Málsóknin krefst þess að fyrirtækið breyti um stefnu í tengslum við framleiðslu og markaðssetningu á AR-15 rifflinum sem hefur verið notaður margsinnis til fjöldamorða í Bandaríkjunum.
Nunnurnar halda því fram að stjórn og forsvarsmenn fyrirtækisins hafi brotið á skyldum sínum með því að taka ekki á vandanum og þar með skaðað hluthafa.
Samkvæmt The Wall Street Journal eru málsóknir hluthafa gegn skráðum félögum mjög algengar en þetta mun þó vera í fyrsta sinn sem hluthafar í skotvopnafyrirtæki krefjast breytinga á hvernig skotvopn eru framleidd og markaðssett.
Nunnurnar eru minnihlutaeigendur í Smith & Wesson og eiga ekki nema 1000 hluti sem samsvarar um 14 þúsund dölum miðað við gengi dagsins.
Hlutabréf í Smith & Wesson hafa hækkað um 60% á árinu.
