Á meðan mörg íslensk fyrirtæki hafa tekið upp styttingu vinnuvikunnar hefur öfug þróun átt sér stað í Suður-Kóreu. Að því er segir í frétt New York Times hafa fjölmörg áberandi fyrirtæki þar í landi beðið framkvæmdastjóra um að lengja vinnudaginn og í sumum tilfellum taka upp sex daga vinnuviku en einhverjir spá því að lengingin muni brátt ná til undirmanna og smærri fyrirtækja.