Hagnaður stærstu fjárfestingabanka Bandaríkjanna, Bank of America, JPMorgan Chase, Goldman Sachs, Citigroup, Morgan Stanley og Wells Fargo á fyrsta ársfjórðungi kom greiningaraðilum vestanhafs í opna skjöldu.
Allir bankarnir skiluðu betri afkomu en spár gerðu ráð fyrir en samkvæmt The Wall Street Journal má rekja afkomu bankanna m. a. til óvæntrar aukningar í fjárfestingabankastarfsemi vestanhafs.
Hagnaður stærstu fjárfestingabanka Bandaríkjanna, Bank of America, JPMorgan Chase, Goldman Sachs, Citigroup, Morgan Stanley og Wells Fargo á fyrsta ársfjórðungi kom greiningaraðilum vestanhafs í opna skjöldu.
Allir bankarnir skiluðu betri afkomu en spár gerðu ráð fyrir en samkvæmt The Wall Street Journal má rekja afkomu bankanna m. a. til óvæntrar aukningar í fjárfestingabankastarfsemi vestanhafs.
Tekjuaukning Bank of America um 38%
Samanlagður hagnaður bankanna á fyrsta ársfjórðungi nam 35,63 milljörðum Bandaríkjadala sem samsvarar um 4.892 milljörðum króna á gengi dagsins. Mun það vera um 3% minni hagnaður en á sama tímabili í fyrra. Tekjur bankanna jukust þó 4% milli ára og námu 139 milljörðum Bandaríkjadala.
Afkoma af fjárfestingabankastarfsemi hefur þó ekki verið betri frá því að seðlabanki Bandaríkjanna byrjaði að hækka stýrivexti árið 2022 en háir vextir hafa haft mjög neikvæð áhrif á fjárfestingabankastarfsemi síðastliðin ár.
Tekjur Goldman Sachs og Citigroup af fjárfestingabankastarfsemi jukust um 32% á fyrsta ársfjórðungi í samanburði við sama tímabil í fyrra. Tekjur Bank of America af fjárfestingabankastarfsemi jukust um 38% á meðan tekjur Goldman Sachs jukust um 24%.
Þrátt fyrir þessa gríðarlegu aukningu eru tekjur af fjárfestingabankastarfseminni lægri en í venjulegri árferði en WSJ segir að þetta sýna þó að forstjórar fyrirtækja og vogunarsjóða séu byrjaðir að treysta markaðinum aftur.
Metútgáfa skuldabréfa í fjárfestingaflokki
Jane Fraser, forstjóri Citigroup, sagði á símafundi með greiningaraðilum að endurkoman í fjárfestingabankastarfsemi hafi gerst á ógnarhraða og að metútgáfa á skuldabréfum í fjárfestingaflokki hafi spilað þar stóran þátt.
Frumútboð á fyrsta ársfjórðungi tóku einnig við sér ásamt þjónustu í tengslum við sölutryggingu.
Staðan er þó sögð viðkvæm, sér í lagi vegna óvissu í kringum alþjóðastjórnamálin. Í uppgjöri JPMorgan Chase er gert ráð fyrir að skuldabréfaútgáfa muni dragast verulega saman þegar líður á árið.