Drög að frumvarpi um viðskiptakerfi ESB með losunarheimildir - ETS-kerfið svokallaða - voru birt í samráðsgátt á dögunum en frumvarpið felur í sér innleiðingu á nokkrum EES-gerðum, þar á meðal að sjóflutningar muni frá áramótum færast undir kerfið.
Frá og með 2025 munu skipafélögin því þurfa að kaupa losunarheimildir á markaði til að gera upp losun sína.
Drög að frumvarpi um viðskiptakerfi ESB með losunarheimildir - ETS-kerfið svokallaða - voru birt í samráðsgátt á dögunum en frumvarpið felur í sér innleiðingu á nokkrum EES-gerðum, þar á meðal að sjóflutningar muni frá áramótum færast undir kerfið.
Frá og með 2025 munu skipafélögin því þurfa að kaupa losunarheimildir á markaði til að gera upp losun sína.
Ákvörðunin um að fella skipaflutninga undir ETS-kerfið hefur vakið athygli en Samtök verslunar og þjónustu, Samtök atvinnulífsins, Samtök ferðaþjónustunnar, Samtök iðnaðarins og Viðskiptaráð skiluðu inn sameiginlegri umsögn þegar áform um lagafrumvarpið komu fram í samráðsgátt stjórnvalda í lok september síðastliðnum.
Benedikt S. Benediktsson, lögfræðingur hjá Samtökum verslunar og þjónustu, segir enn margt á huldu.
„Það sem fyrst og fremst blasir við skipafélögunum núna er bara óvissa og hún helgast í fyrsta lagi af því að þau vita ekki undir lögsögu hvaða ríkis siglingarnar verða felldar og það gerist ekki fyrr en framkvæmdastjórnin er búin að birta sinn lista. Svo hef ég haft veður af því að það sé mjög erfitt að nálgast upplýsingar um það erlendis frá hvernig fyrirkomulagið verður í raun og veru á gagnaskilum um losun.“
Þar fyrir utan eigi skipafélögin eftir að sækja sér losunarheimildir á almennum markaði, eitthvað sem þau hafi ekki þurft að gera áður. Ekki liggi fyrir hversu mikill kostnaðurinn verði nákvæmlega en það muni ráðast af verði á heimildum á markaði.
„Áhrifin á skipafélögin vegna ETS liggja í grundvallaratriðum ekki fyrir en það virðist hins vegar ljóst að álögurnar sem af þessu hljótast munu hlaupa á einhverjum milljörðum,“ segir Benedikt.
„Hagfræðin segir okkur að menn hafi tilhneigingu til að verðleggja óvissu í viðskiptakjörum, því meiri óvissa því meira áhættuálag. Ef við tökum mið af því er ekki ólíklegt að íslensk fyrirtæki og almenningur muni þurfa að greiða í einhverjum mæli meira fyrir flutningaþjónustu a.m.k. þar til óvissan er úr sögunni.“
Nánar er fjallað um málið í Viðskiptablaðinu, sem kom út í morgun. Áskrifendur geta lesið fréttina í heild hér.
