Bjarni Benediktsson formaður Sjálfstæðisflokksins sagðist ætla að taka ákvörðun á næstu mánuðum með sínu fólki um hvort hann óski eftir endurkjöri á næsta landsfundi sem formaður Sjálfstæðisflokksins. Þetta sagði hann í ræðu á flokksráðsfundi flokksins sem hófst klukkan 13.
Bjarni Benediktsson formaður Sjálfstæðisflokksins sagðist ætla að taka ákvörðun á næstu mánuðum með sínu fólki um hvort hann óski eftir endurkjöri á næsta landsfundi sem formaður Sjálfstæðisflokksins. Þetta sagði hann í ræðu á flokksráðsfundi flokksins sem hófst klukkan 13.
Bjarni sagðist ætla að upplýsa um ákvörðun sína með góðum fyrirvara en landsfundurinn verður haldinn í febrúar á næsta ári. Ef hann hættir sem formaður er líklegast að hann hætti í stjórnmálum, en hann hefur setið á Alþingi frá árinu 2003.
Hann sagðist einnig ælta að leiða ríkisstjórnina til enda.
„En hvernig sem allt fer þá er í þessu til að klára þau verkefni sem mér hafa verið falin og leiða þessa ríkisstjórn allt til enda.“
Bjarni endaði ræðu sína á því að vitna í Davíð Oddsson fyrrum formanns Sjálfstæðisflokksins, forsætisráðherra og ritstjóra Morgunblaðsins í næstum fimmtán í þessum mánuði.
Ræða Davíðs var frá árinu 2011 þegar flokkurinn var með sterkan vind í fangið.
„Það má vera, en hvað með það? Þetta er pólitískur vindur sem á okkur beljar. Pólitískur vindur lýtur ekki lögmálum Veðurstofunnar. Öflugur flokkur sem ekki hefur svipt sjálfan sig sjálfstraustinu getur annað tveggja siglt vindinn eða breytt vindáttinni sér í hag.”
