Pétur Hafsteinn Pálsson, framkvæmdastjóri útgerðarfélagsins Vísis í Grindavík, seldi hlutabréf í Síldarvinnslunni fyrir tæplega 200 milljónir í gær.
Samkvæmt kauphallartilkynningu seldi Brady ehf., sem er í 100% eigu Péturs, tvo milljón hluti í Síldarvinnslunni á genginu 98,5 krónur sem samsvarar 197 milljónum króna.
Pétur Hafsteinn Pálsson, framkvæmdastjóri útgerðarfélagsins Vísis í Grindavík, seldi hlutabréf í Síldarvinnslunni fyrir tæplega 200 milljónir í gær.
Samkvæmt kauphallartilkynningu seldi Brady ehf., sem er í 100% eigu Péturs, tvo milljón hluti í Síldarvinnslunni á genginu 98,5 krónur sem samsvarar 197 milljónum króna.
Eftirstandandi eignarhlutur Brady ehf. í Síldarvinnslunni er um 18 milljónir að nafnverði sem samsvarar tæplega 1,8 milljörðum að markaðsvirði.
Síldarvinnslan keypti Vísi árið 2022 í 31 milljarðs króna viðskiptum en kaupverð hlutafjár nam 20 milljörðum króna.
Af kaupverðinu var 30% greitt með reiðufé og 70% með hlutabréfum í Síldarvinnslunni. Vísir varð formlega hluti af samstæðu Síldarvinnslunnar í desember 2022.
Pétur seldi 822.163 hluti í Síldarvinnslunni á sama gengi í lok september og hefur hann því selt hlut fyrir tæplega 281 milljón á síðustu tveimur vikum.
