Breska pundið náði í dag sínu hæsta gildi gagnvart Bandaríkjadollar frá því í mars 2022. Sterlingspundið styrktist um allt að 0,4% í dag og fór upp í 1,3246 gagnvart dollar.
Styrking pundsins er rakin til þess að fjárfestar eru byrjaður að undirbúa sig fyrir að vaxtalækkunarferli Seðlabanka Bandaríkjanna verði hraðara en í tilviki Englandsbanka, seðlabanka Bretlands, að því er segir í frétt Financial Times.
Breska pundið náði í dag sínu hæsta gildi gagnvart Bandaríkjadollar frá því í mars 2022. Sterlingspundið styrktist um allt að 0,4% í dag og fór upp í 1,3246 gagnvart dollar.
Styrking pundsins er rakin til þess að fjárfestar eru byrjaður að undirbúa sig fyrir að vaxtalækkunarferli Seðlabanka Bandaríkjanna verði hraðara en í tilviki Englandsbanka, seðlabanka Bretlands, að því er segir í frétt Financial Times.
Jerome Powell, seðlabankastjóri Bandaríkjanna, gaf sterklega til kynna á fundi seðlabankastjóra í Jackson Hole í Wyoming um helgina að vaxtalækkanir væru á næsta leiti vestanhafs.
Andrew Bailey, seðlabankastjóri Englandsbanka, varaði hins vegar við því á fundinum að það væri enn of snemmt að fagna sigri gegn verðbólgunni í Bretlandi, þrátt fyrir að verðbólguþrýstingur upp á síðkastið hefði verði minni en bankinn átti von á.
Í umfjöllun FT segir að nýlegar hagtölur og bjartsýni um að aukinn pólítískan stöðuleika undir nýrri ríkisstjórn Verkamannafloksins hafi ýtt undir gengi pundsins.
Einkageirinn í Bretlandi óx umfram spár í ágúst og hefur ekki vaxið hraðar síðastliðna fjóra mánuði. Hagvöxtur upp á 0,6% á öðrum ársfjórðungi var auk þess talsvert yfir væntingar markaðsaðila.
