Úrvalsvísitalan lækkaði um 0,7% við opnun markaða og eru rauðar tölur víða eftir fyrstu viðskipti dagsins.
Greint var frá því í gærkvöldi að kjaraviðræður Samtaka atvinnulífsins og breiðfylkingar stærstu stéttarfélaga landsins væru byrjaðar að harðna.
SA varaði í morgun við því að krónutölunálgun væri höfð að leiðarljósi við gerð kjarasamninga.
Hlutabréf fasteignafélaganna Reita og Eik hafa lækkað um 2,5% í morgun á meðan gengi Icelandair og Amaroq hafa lækkað um tæp 2%.
Gengi Festis, Eimskips, Símans, Marels, Kviku, Vís og Regins hefur lækkað um rúmt prósent.
Hlutabréfaverð Íslandsbanka er það eina sem hefur hækkað í morgun en þó ekki meira en 1%.
Um hálfs milljarðs velta hefur verið á hlutabréfamarkaði en um 6,1 milljarða velta á skuldabréfamarkaði.
