Íslenska framleiðslufyrirtækið Rotovia hefur samið við Landsbankann um endurfjármögnun á öllum skuldum félagsins.
Lánasamningurinn er að fjárhæð allt að 10,7 milljarðar króna (72 milljónir evra). Mun þetta vera fyrsta endurfjármögnunin sem félagið fer í við íslenskan banka en þegar félagið var stofnað í núverandi formi árið 2022 voru lánin tekin erlendis.
Rotovia á rætur að rekja til ársins 1984 þegar Sæplast hóf rekstur á Dalvík. Félagið veltir í dag 22,5 milljörðum á ári og rekur tíu verksmiðjur í sjö löndum.
Íslenska framleiðslufyrirtækið Rotovia hefur samið við Landsbankann um endurfjármögnun á öllum skuldum félagsins.
Lánasamningurinn er að fjárhæð allt að 10,7 milljarðar króna (72 milljónir evra). Mun þetta vera fyrsta endurfjármögnunin sem félagið fer í við íslenskan banka en þegar félagið var stofnað í núverandi formi árið 2022 voru lánin tekin erlendis.
Rotovia á rætur að rekja til ársins 1984 þegar Sæplast hóf rekstur á Dalvík. Félagið veltir í dag 22,5 milljörðum á ári og rekur tíu verksmiðjur í sjö löndum.
„Með þessari endurfjármögnun aukum við sveigjanleika í rekstri og styðjum við áætlanir fyrirtækisins um vöxt á næstu árum. Það er ánægjulegt að íslenskar fjármálastofnanir séu samkeppnishæfar við fjármögnun félags eins og okkar sem vinnur á alþjóðlegum mörkuðum og við hlökkum til samstarfsins við Landsbankann,“ segir Daði í tilkynningu.
„Það er okkur mikilvægt að styðja við vöxt á rótgrónu íslensku þróunar- og framleiðslufyrirtæki. Við höfum lengi fylgst með Rotovia og forverum þess og höfum mikla trú á framtíðarmöguleikum fyrirtækisins,“ segir Lilja Björk Einarsdóttir, bankastjóri Landsbankans.
Tekjustraumar Rotovia eru tvenns konar, annars vegar að hanna, þróa, framleiða og selja eigin vörur, en þaðan koma 45% teknanna. 55% hluti teknanna eru það sem kallast „custom molding“ eða sérhæfð framleiðsla, þar sem félagið framleiðir íhluti m.a. fyrir alþjóðlega bílaframleiðendur, vindmylluframleiðendur og framleiðendur landbúnaðartækja.
Í samtali við Viðskiptablaðið í maímánuði sagði Daði félagið leggja áherslu á að auka vægi eigin vara í tekjumódelinu. Þá sé einnig stefnt að því að stækka hlutfall leigutekna í tekjumódelinu, í takt við þróunina á markaðnum í átt að hringrásar- og deilihagkerfi.
Rotovia framleiðir og hannar sínar eigin vörur undir vörumerkjunum Sæplast, Tempra, iTub og Varibox ásamt því að framleiða ýmsa íhluti fyrir bílaframleiðendur, framleiðendur landbúnaðartækja, vindmylluframleiðendur og fleiri geira.
© Aðsend mynd (AÐSEND)
Árið 2015 var félagið selt úr landi en síðan keypt aftur af íslenskum framtakssjóðum árið 2022 og tók þá upp nafnið Rotovia. Alls heldur fyrirtækið úti tíu verksmiðjum í sjö löndum og starfsmannafjöldinn er í kringum 700.
Höfuðstöðvarnar eru á Dalvík. Viðtal Viðskiptablaðsins við Daða er aðgengilegt hér að neðan.
