Sádi-Arabía og Rússland hafa aukið olíutekjur sínar til muna á síðustu mánuðum eftir að olíuríkin tvö ásamt nokkrum öðrum OPEC+ ríkjunum ákváðu að draga verulega úr olíuframleiðslu.
Heimsmarkaðsverðið á Brent hráolíu hefur hækkað um 23% síðastliðna sex mánuði og hefur tunnan af Brent hráolíu farið úr 71 dölum í rúma 94 dali frá því í maí.
Hefur þetta skilað löndunum tugmilljarða dala meiri hagnað síðastliðna mánuði fyrir mun minna magn af olíu.
Samkvæmt The Wall Street Journal fólst mikil fjárhagsleg áhætta í því að draga úr framleiðslunni en svo virðist sem ákvörðunin hafi borgað sig. Hækkun á heimsmarkaðsverði á olíu hefur meiri en bætt upp fyrir minni framleiðslu.
Sádi-Arabía og Rússland hafa aukið olíutekjur sínar til muna á síðustu mánuðum eftir að olíuríkin tvö ásamt nokkrum öðrum OPEC+ ríkjunum ákváðu að draga verulega úr olíuframleiðslu.
Heimsmarkaðsverðið á Brent hráolíu hefur hækkað um 23% síðastliðna sex mánuði og hefur tunnan af Brent hráolíu farið úr 71 dölum í rúma 94 dali frá því í maí.
Hefur þetta skilað löndunum tugmilljarða dala meiri hagnað síðastliðna mánuði fyrir mun minna magn af olíu.
Samkvæmt The Wall Street Journal fólst mikil fjárhagsleg áhætta í því að draga úr framleiðslunni en svo virðist sem ákvörðunin hafi borgað sig. Hækkun á heimsmarkaðsverði á olíu hefur meiri en bætt upp fyrir minni framleiðslu.
Tekjurnar jukust um fjóra milljarða á dag
Samkvæmt WSJ er Sádi-Arabía að nýta auknu olíutekjur sínar í að fjármagna fjárfestingaverkefni Mohammed Bin Salman, krónprins Sádi-Arabíu, utan landsteinanna. Þá hefur olíuverðshækkunin hjálpað Vladimir Pútin að viðhalda innrásarstríði sínu í Úkraínu.
Olíutekjur Sádi-Arabíu jukust um 30 milljón dollara á dag á öðrum ársfjórungi í samanburði við apríl til júní, sem samsvarar um 5,7% aukningu. Um er að ræða yfir 4 milljarða íslenskra króna tekjuaukningu á hverjum degi á öllum fjórðungnum.
Samkvæmt gögnum WSJ hafa tekjur Rússa aukist um 2,8 milljarða dollara á sambærilegu tímabili sem samsvarar ríflega 385 milljörðum króna.
Hækkunin hefur áhrif hér heima
Eykur þetta líkurnar á því að olíuríkin tvö muni halda áfram að draga úr framleiðslunni en skerðingin er byrjuð að hafa neikvæð áhrif á Vesturlönd.
Neytendur, þar á meðal á Íslandi, munu líklegast finna fyrir hækkunum á bensínverði bráðlega en íslenska krónan setti skjaldborg yfir íslenska ökumenn í sumar er hún styrktist verulega gagnvart Bandaríkjadal en krónan hefur verið að veikjast gagnvart dal síðustu vikur.
Hækkunin hefur síðan neikvæð áhrif á verðbólgumælingar en hærra olíuverð hefur áhrif á flugfargjöld og á endanum allt innflutningsverðlag.
Jón Bjarki Bentsson, aðalhagfræðingur Íslandsbanka, sagði í samtali við Viðskiptablaðið í síðustu viku allar líkur á því að olíuverð hefur áhrif á verðbólguna hér heima í haust.
„Hversu þungt það vegur gegn öðrum þáttum sem halda áfram að vega til lækkunar það á eftir að koma í ljós,“ sagði Jón Bjarki en þar skiptir mestu máli hvort hækkunin á olíuverð haldi áfram eða hvort verðið finnur stöðugleika.
