Hlutabréfaverð rafbílaframleiðandans Tesla lækkaði um rúm 6% í viðskiptum gærdagsins eftir að félagið birti ársuppgjör sýndi fram á samdrátt í afhentum rafbílum í fyrsta sinn í áraraðir.
Samkvæmt The Wall Street Journal er meira en áratugur frá því að Tesla sýndi fram á samdrátt á milli ára en félagið eyddi fúlgum fjár í markaðsherferðir á fjórða ársfjórðungi sem greinilega skiluðu ekki árangri.
Tesla er enn verðmætasti bílaframleiðandi heims miðað við markaðsvirði en uppgjörið sýndi fram á að sölutekjur félagsins drógust saman um 2% á milli ára.
Þrátt fyrir að Tesla hafi aldrei selt jafn marga rafbíla og á þriðja ársfjórðungi náði félagið ekki að mæta þeim markmiðum sem greiningaraðilar vonuðust eftir um 515 þúsund bifreiðar seldar vestanhafs.
Heilt yfir seldi Tesla um 1,79 milljónir rafbíla á árinu sem er um 1% minna en árið áður.
Kínverski rafbílaframleiðandinn BYD sækir hart að Tesla en félagið seldi um 12% fleiri bíla í fyrra en á árinu á undan. Samkvæmt ársuppgjöri BYD seldi kínverski rafbílaframleiðandinn 1,76 milljónir bifreiða á heimsvísu í fyrra.
