Seldu bakkelsi og brauð fyrir 3,2 milljarða

Gæðabakstur hagnaðist um 172 milljónir króna á síðasta ári sem er svipuð afkoma og árið áður er hagnaður nam 178 milljónum.

Rekstrartekjur námu ríflega 3,2 milljörðum og jukust um 11% frá fyrra ári. Framleiðslukostnaður jókst að sama skapi um 13% og nam 2 milljörðum.

Vilhjálmur Þorláksson er framkvæmdastjóri Gæðabaksturs og á jafnframt 20% hlut í félaginu. Viska hf., sem er í eigu dansks félags, á eftirstandandi 80% hlut.

Fréttin birtist fyrst í Viðskiptablaðinu.