Íslenska lyfjafyrirtækið Coripharma lauk nýverið 1,8 milljarða hlutafjáraukningu en samkvæmt félaginu er um að ræða síðustu hlutafjáraukninguna fyrir skráningu á markað á næsta ári. Eftir öran vöxt síðustu ár sér Coripharma fram á að tekjuflæði verði jákvætt um áramótin 2025-2026.
Jónína Guðmundsdóttir, forstjóri Coripharma, segir árið í ár marka tímamót hjá íslenska lyfjafyrirtækinu en félagið setti nýverið þrjú lyf sem fyrirtækið þróaði á markað og stefnir á að koma þremur lyfjum til viðbótar á markað fyrir árslok.
Á rúmum tveimur árum hefur Coripharma sótt um 8 milljarða með auknu hlutafé en stærstu hluthafar félagsins eru CP Invest slhf., félag í eigu Iðunnar framtakssjóðs og lífeyrissjóða, Eignarhaldsfélagið Hof, Snæból, og BKP Invest ehf. Útboðsgengið í nýloknu hlutafjárútboði var 13,7 krónur og tóku flestir stóru hluthafar félagsins þátt.
„Núverandi hluthafar voru að koma mjög sterkir inn. Það má segja að nánast allir stærstu hluthafarnir hafi komið inn, pro rata,“ segir Jónína.
Áskrifendur geta lesið viðtal Viðskiptablaðsins við Jónínu hér.
